KASAUKAN 2:17 - Tanou Moonsoi Timugon

¹⁷ kaa' ondo' ayuk kalo maakan no intor ra puun ondo' mangani' ra kapandayan ra baal moonsoi am niayuk malaat. Kawa' no kalo maakan mu; amon ru akanon mu, maaru' matoi kou ra orou raginio niayuk.”

KASAUKAN 2:17 ပူးပေါင်းရင်းမြစ်များ

KASAUKAN 2:9

Napatuu' Io ra ngaangai' puun ondo' mongoonsoi am mapasalula' ra kawa' ondo' moonsoi. Giu' ra tatanga' ru Taman no mokoondo' puun ondo' tuminuu' ondo' mangani' ra bayag am puun ondo' mangani' ra kapandayan ra baal ondo' moonsoi am niayuk malaat.

KASAUKAN 20:7

Kaa' raino pasagulio' io ra ralaki nano. Ralaki nano sangulun nabi am io makiasi' rirun maa' raginio kalo matoi kou. Kaa' amon ru kalo pasagulion mu, pakaraan Tokou matoi kou am niayuk ngaangai' mamagun muno.”

KASAUKAN 3:11

“Osoi kia nambala' rirun ra nagibabaang kou?” nangkuot i Aki Kapuuno'. “Inakan min kia kawa' ondo' kalo paakanin Kuli?”

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

1 RAJA'-RAJA' 2:37

Amon ru mingkual kou am lumaup ra sungoi boborok Kidron no, maaru' potoyon kou, am okou galama' mansaan ra patayan muno.”

1 RAJA'-RAJA' 2:42

nampiau io ri Simii am ragui' no io, “Sala' ka kia nanusub aku rirun magibot ralalom inggalan ru Tuhan ra okou topot-topot kalo mangiruan ra Jirusalim? Nampakara' aku no rirun ra amon ru baalon mu ginio matoi kou! Sala' ka kia nangiou kono am minindagu ra gagayaan mu ragu kuno?

JIRIMIA 26:8

Mataki' ra kopongo ayuk ra aku nampatanou ra ngaangai' tanou ru Tuhan koson ra nanusuban Nano, rinakop nilo aku liliwa' giminolok, “Musiti' kou potoyon!

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 18:32

Kalo masaga' Aku ra osoi pana matoi,” Koon raginio noyo ragu ru Tuhan Raja'. “Talikur kano intor ra tula min maa' raginio maayag kau.”

YEHEZKIEL 18:4

Aku tangan ra painawo ru moonong ulun, painawo ru ama' am poyo painawo ru anak. Osoi ayuk makatula, io noyo ondo' matoi.

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –

YEHEZKIEL 33:8

Amon ru mambala' Aku ra ulun malaat matoi, kaa' kalo nangani' kou risilo ra pampakaraan maa' raginio kulawon nilo paliso am mamayag ra inan, ilo pana matoi koson ra ulun makatula. Karaan Tokou mansaan ra pinatayan nilo.

UNTABAN 26:65

Minindagu Tuhan ra matoi ilo ngaangai' giu' ra tana' kaagisan. Minatoi ilo ngaangai' ondo' ayuk am i Kalib anak ri Jipuni am i Josua anak ri Nun.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

1 KORINTUS 15:22

Ginio boo ra itakau ulun mapandai matoi sabap ra nakaaya' takau ra tula ri Adam; am koson niayuk ra itakau ngaangai' ti bayagon saguli' sabap ra nakaaya' takau ri Kristus.

1 KORINTUS 15:56

Kapatayan no makakuasa' ra ulun sabap ra makatula ilo, am makatula ilo sabap ra kalo sumugut ilo ra Ukum ri Musa.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

SAGULION 27:26

“ ‘Kaulas noyo ulun ondo' kalo gumagaya' ra ukum am pangilaan ri Aki Kapuuno'.’ “Ngaangai' ulun tumaam ra, ‘Amin!’ ”

SAGULION 30:15

“Paat ra orou raiti' pambaal noyo ra pilian ra ondo' moonsoi am ondo' malaat, ondo' maayag am matoi.

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

1 TIMOTIUS 5:6

Kaa' napuor ondo' maringkumaa' ayuk ra kalangkayaan, io ti karaan koson ra pangintapatan nano minatoi noyo, kabalu' pana naayag io.

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)

PINAINTALANG 20:6

Pakaansuk no ulun ondo' paayaan bayagon saguli' ra kasaa' ti. Kapatayan karuo kalo manguasa' risilo. Masauk ilo boo ra imam ri Aki Kapuuno' am ri Kristus, am mamarinta ilo mababaya' Riso buoi saribu ngambilor.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

TINGGANAI RU BANSA' 3:2

Masaga' Io mangila' ra moonong sukor bagu ru ulun ru Israil koson mangayou, mulu' poyo ilo ondo' kalo igondo' baya' ra mangayou.

1 SAMUIL 14:39

Nambantu' aku ralalom inggalan ru Tuhan ondo' naayag, ondo' mangani' ra kamanangan ra Israil, ra ulun ondo' makasala ukumin ra matoi, inda' pana ru io i Jonatan anak ungkuyon kuno galama'.” Kaa' kolondo' sangulun pana naguta'.

1 SAMUIL 14:44

Kon ru Raja' Saul riso, “Polosoo' noyo ra aku ukumin ri Aki Kapuuno' amon ru okou kalo ukumin ra matoi, Jonatan!”

1 SAMUIL 20:31

Kalo kia nakapandai kou ra buoi ri Daut no maayag, kalo noyo masauk kou ra raja' ru pagun ragitio? Raino panusub no ra ulun maguyum riso am magibit riso ragiti, sabap ra musiti' io matoi!”

1 SAMUIL 22:16

Indagu Raja', “Agimilik, okou am ngaangai' sasambaloi muno musiti' matoi.”