KASAUKAN 19:4 - Tanou Moonsoi Timugon

⁴ Kalo poyo nombolong tambului no, ungkuyon ru bandar Sodom no liminibung noyo ra baloi no. Nakakai' ungkuyon ru bandar no, ondo' mangatutuo am poyo mangamulok soroi ra giu' no.

KASAUKAN 19:4 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 18:20

Indagu boo Tuhan ri Abragam, “Makapanguwan ra maagat kaga' ra bandar Sodom am bandar Gomora am tula nilono maayo kaga'.

KAINGKUALAN 16:2

Ngaangai' nilo pasabutok ri Musa am i Arun giu' ra tana' kaagisan no.

KAINGKUALAN 23:2

Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

ROMA 3:15

Malingas ilo mangimbolo' am mamatoi.

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”