KASAUKAN 19:3 - Tanou Moonsoi Timugon

³ Jinajalan ilo kimaiti' ri Lot, am pupus no pababaya' ilo boo minumpos ra baloi nano. Panusub i Lot ra kambo-kambo nano mangansak ra ruti' am momongo ra akanon mangaamis ra tambului no, am pangakan ilo.

KASAUKAN 19:3 ပူးပေါင်းရင်းမြစ်များ

KASAUKAN 19:2

am indagu, “Tuan, apit kau poyo ra baloi kuno. Makapambagu' kau ra kalayam am makakaalangan kau. Susuab no, rumondom kau sukal am rayusin min boo pangkiralanan min.” Kaa' taam ilo, “Kalo pana, mombolong akai ayuk ragiti padang ru bandar ti.”

KASAUKAN 21:8

Sumukor noyo anak no am paat ra io pinolonggo' tumiti', pambaal i Abragam ra rondo' bunsag maayo.

KASAUKAN 24:31

Indagu i Laban, “Okou noyo ulun ondo' binarakat ru Tuhan. Pai' bigor ra liwar no. Ibok no, ongoi ra baloi maino, makalamin ondo' tinampos kalalair rirun am ayanan ru unta-unta muno.”

KASAUKAN 26:30

Pambaal boo i Isak risilo ra rondo' bunsag, am pagagakan am pagiginum ilo.

2 RAJA'-RAJA' 4:8

Paat ra sangarawan minongoi i Ilisa giu' ra bandar Sunim. Giu' no mokoondo' sangulun ruandu' langkaya'. Nampiau ruandu' no ri Ilisa mongoi akan ra baloi nano. Intor raginio moonong i Ilisa mongoi ra Sunim, mangakan io giu' ra baloi ru ruandu' langkaya' no.

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:39

Nangansak ilo ra ruti' kalo linatakan ra ragi intor ra ruti' makata' ondo' inibit nilo intor ra Misir. Pinagiru' ilo intor ra giu' no ra namulali', saboi kalo nakapanampos ra lutu' kapoam nakapangansak ra ruti' kalo linatakan ra ragi.

LUKAS 11:8

Indagu i Jisus, “Ati kulaan? Kabalu' pana marara' io sumukal mangani' ra kitaakon muno, sabap ra io rangan muno, sumukal io niayuk am mangani' rirun, sabap ra kalo mauyu' kou makikitaak.

LUKAS 14:23

Indagu tuan no ra ulipon nano, ‘Ongoi no ra ralan maayo am boborok giu' ra liwar ru bandar am jajali' porotongo' ngaangai' ulun, koson mososok boo baloi kutu.

LUKAS 5:29

Kopongo ragili pambaal i Liwi ra rondo' bunsag giu' ra baloi nano koson mangiantak ra ratangan ri Jisus. Masuang mampalulur ra cukai am ulun ra bokon poyo giminulung pangakan risilo.

JUANIS 12:2

Giu' i pinaakan nilo Io. I Marta nampasulung ra akanon liliwa' i Lajarus mabaya' ra tambului nagayam ri Jisus.

1 KORINTUS 5:8

Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

TINGGANAI RU BANSA' 6:19

Ginio ra uli' i Gidion ra baloi am pangansak ra sanginan kambing mamulok. Alap io niayuk ra mopor ngakilogram tapung, am pambaal ra ruti' kalo linatakan ra ragi. Pasuango' no kual no ra ralalom ru bakul am ruu' no ralalom ru pagangan, am nagibit ra ngaangai' no am pasulungo' ra malaikat ondo' tatanga' naginaa ra saau ru puun oak.

1 SAMUIL 28:24

Nagindibok ruandu' no nanimbalui ra sanginan anak sapi' ondo' molomok. Io niayuk nangalap ra tapung am pongoono' ginio, am nangansak ra ruti' kalo linatakan ra ragi.