KASAUKAN 19:24 - Tanou Moonsoi Timugon

²⁴ Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

KASAUKAN 19:24 ပူးပေါင်းရင်းမြစ်များ

KASAUKAN 13:10

Pulolowo' boo ri Lot liliut am kaimpal no titikop limayak Jordan saboi ra bandar Joar am makamasuang timug koson ra Taman ru Tuhan kapoam koson ra tana' ru Misir. (Ginio noyo baal ra io kalo poyo pinuso ru Tuhan bandar Sodom am Gomora.)

KASAUKAN 13:12

Pamagun i Abram ra pagun ru Kanaan am i Lot minayan ra lolot ru bandar-bandar giu' ra limayak no am pangkim mamaar ra Sodom.

KASAUKAN 18:17

Migindagu Tuhan ralalom guang, “Kalo bunion Ku intor ri Abragam atan ondo' baalon Kuno.

KASAUKAN 19:23

Sumirang mato ru orou paat i Lot nakasaboi ra Joar.

AYUP 1:16

Kalo poyo nakai' io mindagu, ratong poyo sangulun ulipon ra bokon am indagu, “Domba-domba am niayuk ulun-ulun magalung nosolob ru ganit saboi minatoi ngaangai' no. Aku ayuk sangulun nakapagiru' koson mambala' rirun.”

AYUP 18:15

Raino osoi pana makaayan ra ralalom ru kim nilo, mopongo taukin ra bilirang koson mangiru' ra maruol!

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

KAINGKUALAN 9:23

Ginio ra kakato' ri Musa jujuga' nano tampilon ra limbowon, am porotongo' ru Tuhan tingkalur am rasam batu; ganit pana nakatiu' ra tana'. Naparatu' Tuhan ra

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 49:18

Koson ra Sodom am Gomora pusoon mabaya' ra pekan-pekan giu' ra liliut, koson niayuk ra Idom pusoon. Kolondo' sangulun pana mayan giu' ra Idom. Aku, Tuhan nakaindagu noyo.

JIRIMIA 50:40

Koson ra Aku namuso ra Sodom am Gomora nababaya' ra pekan-pekan giu' ra liliut no, koson raginio niayuk Aku mamuso ra Babil. Kolondo' sangulun pana mayan ra giu' no. Aku, Tuhan, nakaindagu noyo.

SULABOI 4:6

Bansa' kuno inukum ra maagat poyo intor ra mamagun ru Sodom, ondo' napuso ra sangkuliop ayuk sabap inukum ri Aki Kapuuno'.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

LUKAS 10:12

Balai' takamin, paat Orou Pupus no, maayo poyo guang ri Aki Kapuuno' makaasi' ra ulun bandar Sodom intor ra bandar raginii!”

SAGULION 28:24

Kalo parasamon ru Tuhan, kaa' rasam ru kaau am rasam ru agis saboi makai' kau kaluus.

SAGULION 29:22

“Paat ra orou matong, papag min am ulun bansa' ru bokon intor ra pagun mangaalur makakito ra karaat am kaimbalaan ondo' porotongon ru Tuhan ra tana' min.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.