KASAUKAN 19:16 - Tanou Moonsoi Timugon

¹⁶ Maimamang i Lot. Kaa' makaasi' Tuhan riso, ginio ra kitango' ru karuo ngaulun tambului no i Lot, andu' nano am karuruo anak nano mingkual intor ra bandar no.

KASAUKAN 19:16 ပူးပေါင်းရင်းမြစ်များ

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

2 KORINTUS 1:3

Koompor noyo i Aki Kapuuno', Ama' ru Tuhan takau i Jisus Kristus; ioginio i Ama' ondo' makaasi' kaga' am puun ru ngaangai' kaindanganan ru guang.

JUANIS 6:44

Kolondo' sangulun pana makaratong Raki', amon ru kalo kimaitin io ri Ama' ondo' nanusub Raki' i; am ulun no bayagon Ku paat ra Orou Pupus no.

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

SULABOI 3:22

Togom ru Tuhan mantilayun am asi' Nano kolondo' pupus;

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

MAZMUR 136:1

Paringkuanang no ra Tuhan sabap ra Io moonsoi; togom Nano mantilayun.

MAZMUR 119:60

Maringkaagou aku am kalo maginaa koson mapaugar ra panusuban Muno.

MAZMUR 118:1

Paringkuanang no ra Tuhan sabap ra Io moonsoi, am togom Nano mantilayun.

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 107:1

“Paringkuanang kano ra Tuhan sabap ra Io moonsoi; togom Nano mantilayun!”

MAZMUR 106:8

Kaa' bayagon No ilo sumugut ra bantu' Nali, koson mapaintalang ra kuasa' Nano ra maayo.

MAZMUR 106:1

Omporo' noyo Tuhan! Paringkuanang no ra Tuhan, sabap ra Io moonsoi; togom Nano mantilayun.

MAZMUR 103:13

Koson ra sangulun ama' makaasi' ra ngaangai' anak nano, ginio niayuk Tuhan makaasi' ra ulun ondo' mangurumat Riso.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 34:12

Ibok kano, anak kau ngaangai' am rongogo' min bilin kutu, ilaan takamin mangurumat ra Tuhan.

1 TUNUNG RU BANSA' ISRAIL 16:34

Paringkuanangan no ra Tuhan, sabap ra Io moonsoi; togom Nano mantilayun.

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

JOSUA 6:22

Indagu i Josua ra ruo ngaulun ondo' ragili nangandoi koson ulun pansigo, “Ongoi noyo ra baloi ru mantalan ra inan no, am ibito' io am sasambaloi nano mingkual koson ondo' binantu' min riso.”

2 PITRUS 2:7

Kaa' i Lot binayag, sabap ra io sangulun motopot; sinindualan guang nano ru ulun malaat ondo' nambaal ra pansasawaan.

KASAUKAN 19:15

Paat tumawang, rinondom ru karuruo malaikat no nangulisok ri Lot mataki' mugar, konilo, “Ribaki', ugar no mabaya' ra andu' muno am karuruo anak ruandu' muno intor ragiti maa' ra akau makapagiru' no kalo matoi paat bandar ti pusoon.”

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 6:21

Balain ilo boo, ‘Galing i ulipon takau ru raja' ru Misir, kaa' napalabus Tuhan ritakau ra kuasa' Nano ondo' maayo.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

MAZMUR 32:10

Ulun malaat makatuum ra kapaganan, kaa' ulun ondo' lumansan ra Tuhan sindungin ru togom Nano.

MAZMUR 33:18

Ilo ondo' gumagaya' ilain ru Tuhan, malansan ilo ra katagaman Nano.

MAZMUR 33:19

Pinalabus No ilo intor ra kapatayan; Io magalung ra painawo nilono bulintok ra ilo maitilan.

KASAUKAN 43:10

Amon ru kalo nabuoi takau naginaa, maaru' induo takano paginduli'.”