KASAUKAN 19:15 - Tanou Moonsoi Timugon

¹⁵ Paat tumawang, rinondom ru karuruo malaikat no nangulisok ri Lot mataki' mugar, konilo, “Ribaki', ugar no mabaya' ra andu' muno am karuruo anak ruandu' muno intor ragiti maa' ra akau makapagiru' no kalo matoi paat bandar ti pusoon.”

KASAUKAN 19:15 ပူးပေါင်းရင်းမြစ်များ

PINAINTALANG 18:4

Kopongo raginio, korongog ku poyo bolos ra bokon intor ra suruga', kono, “Ulun mangintopot Raki', ingkual no intor ra bandar Babil no. Pai' kano baya' ra tula nilo am pai' baya' risilo ra maukuman poyo.

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

KASAUKAN 19:22

Ribaki', pagiru' no! Sabap ra kolondo' atan-atan mabaal ku ra okou kalo poyo makasaboi ra giu' no.” Sabap sinabit ri Lot bandar raginio boborok, ginio boo ra ininggalanan bandar no ra Joar.

KASAUKAN 19:17

Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

KASAUKAN 19:16

Maimamang i Lot. Kaa' makaasi' Tuhan riso, ginio ra kitango' ru karuo ngaulun tambului no i Lot, andu' nano am karuruo anak nano mingkual intor ra bandar no.

MAZMUR 94:23

Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.