KASAUKAN 18:8 - Tanou Moonsoi Timugon

⁸ Kopongo raginio, pangalap i Abragam ra sanganu krim, sanganu gatas am kual ra naansak noyo, am pasulungo' no ra tambului-tambului nano. Am liliwa' nilo mangakan, i Abragam galama' magayam risilo ra saau ru puun no.

KASAUKAN 18:8 ပူးပေါင်းရင်းမြစ်များ

KASAUKAN 18:7

Pasimbul io boo ongoi ra intok sampanon ru bibiag nano am rakop ra sanginan anak sapi' molomok am malami' kual no, pataako' no ra kinambo nano am pakandayi' no riso.

KASAUKAN 18:9

Kopongo raginio, pangkuot ilo ri Abragam, “Ati andu' muno i Sara?” Taam i Abragam, “Giu' no, ralalom kim no.”

KASAUKAN 19:3

Jinajalan ilo kimaiti' ri Lot, am pupus no pababaya' ilo boo minumpos ra baloi nano. Panusub i Lot ra kambo-kambo nano mangansak ra ruti' am momongo ra akanon mangaamis ra tambului no, am pangakan ilo.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

JISAYA 7:15

Bulintok ra anak no masukor koson mangalap ra kapatasan galama', pagun no masauk langkaya'.

JISAYA 7:22

gatas paingkualon ru tambiag no makaukop toojo koson pakuan ru ulun lakat soroi ra pagun raginio. Sotopot no, manginum ilo ra gatas am ruu' maningot.

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

LUKAS 17:8

Maaru' kalo! Kaa' mindagu kou riso ra, ‘Pongoono' akanon kuno, ralin no, am sulungin mu aku ra akanon am inumon; mopongo raginio okou bagu mangakan.’

LUKAS 24:30

Panturung Io gulung risilo, alapo' No ruti' i am paringkuanang Io ri Aki Kapuuno', am pipilango' No, am tatayaro' No risilo.

LUKAS 24:43

Alapo' ri Jisus papait i am akano' No ra saang nilai.

JUANIS 12:2

Giu' i pinaakan nilo Io. I Marta nampasulung ra akanon liliwa' i Lajarus mabaya' ra tambului nagayam ri Jisus.

RINALATAN 10:41

Kalo minintalang Io ra ngaangai' ulun; kaa' ra akai ayuk ondo' pinili' ri Aki Kapuuno' nasauk ra sasi' Nano. Nangakan am nanginum akai gumulung Riso nopongo ra Io binayag saguli' intor ra kapatayan.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.

TINGGANAI RU BANSA' 13:15

Kalo nakapandai i Manoa ra ondo' minindagu no malaikat ru Tuhan. Ginio ra kono riso, “Paginaa poyo sangkinolor. Ansakin mai okou ra kambing mamulok.” Kaa' kon ru malaikat no, “Kabalu' pana maginaa aku ragiti, kalo mangakan aku ra akanon pabatangon mino. Kaa' amon ru masaga' kou manampos raginio niayuk, pataako' akanon no koson ra taak simbalui koson mapabansuk ra guang ru Tuhan.”

TINGGANAI RU BANSA' 5:25

Nakitaak i Sisira ra timug, kaa' nangani' i Jail riso ra gatas, nangani' i Jail riso ra gatas masalut ralalom ru mangkuk ondo' moonsoi.