KASAUKAN 18:6 - Tanou Moonsoi Timugon

⁶ Pagindibok i Abragam minumpos ra kim am indagu ri Sara, “Ribaki', alap ra tapung moonsoi kaga' no am pambaal ra ruti'.”

KASAUKAN 18:6 ပူးပေါင်းရင်းမြစ်များ

KASAUKAN 18:5

Mampasulung aku ramuyun ra sanganu akanon maa' raginio maikang kau maparampus ra pangkiralanan mino. Nangurumat kano raki' ra minapit kau ra inayanan kutu.” Taam ilo, “Paringkuanangan mai rirun, iou mapit akai poyo.”

KASAUKAN 18:7

Pasimbul io boo ongoi ra intok sampanon ru bibiag nano am rakop ra sanginan anak sapi' molomok am malami' kual no, pataako' no ra kinambo nano am pakandayi' no riso.

KASAUKAN 19:3

Jinajalan ilo kimaiti' ri Lot, am pupus no pababaya' ilo boo minumpos ra baloi nano. Panusub i Lot ra kambo-kambo nano mangansak ra ruti' am momongo ra akanon mangaamis ra tambului no, am pangakan ilo.

2 SAMUIL 13:6

Kopongo raginio baalo' ri Amnon ra ilain koson ayuk ra marualan am luya' ra intok kaalangan nano. Paat ra Raja' Daut matong pagilong ri Amnon, indagu io riso, “Ama', iowo' noyo i Tamar matong koson mangansak ra kuui ragiti, maa' raginio makakito aku riso, am io galama' mansulung ra kuui no raki'.”

MAZMUR 119:60

Maringkaagou aku am kalo maginaa koson mapaugar ra panusuban Muno.

JISAYA 32:8

Kaa' ulun mabanis guang mangatang ra baal ondo' matimpok, am mamatas ralalom katimpakan.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

RINALATAN 16:15

I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

TINGGANAI RU BANSA' 6:19

Ginio ra uli' i Gidion ra baloi am pangansak ra sanginan kambing mamulok. Alap io niayuk ra mopor ngakilogram tapung, am pambaal ra ruti' kalo linatakan ra ragi. Pasuango' no kual no ra ralalom ru bakul am ruu' no ralalom ru pagangan, am nagibit ra ngaangai' no am pasulungo' ra malaikat ondo' tatanga' naginaa ra saau ru puun oak.

1 SAMUIL 28:24

Nagindibok ruandu' no nanimbalui ra sanginan anak sapi' ondo' molomok. Io niayuk nangalap ra tapung am pongoono' ginio, am nangansak ra ruti' kalo linatakan ra ragi.