KASAUKAN 18:25 - Tanou Moonsoi Timugon

²⁵ Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

KASAUKAN 18:25 ပူးပေါင်းရင်းမြစ်များ

KASAUKAN 18:24

Amon ru makalimo ngoopor ngaulun kolondo' sala ralalom bandar no, pusoon Mu kia ngaangai'? Kalo kia ampunon Mu koson mamayag ra limo ngoopor ngaulun no?

1 TUNUNG RU BANSA' ISRAIL 16:33

Puun-puun tataun giu' ra kataunan magilakup ra maansukan, paat ra Tuhan matong koson mamarinta ra tana' ti.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 34:12

I Aki Kapuuno' Ondo' Maayo Kaga' Kuasa' kalo nambaal ra kalaatan; ngaangai' ulun aniin No ra katimpakan.

AYUP 8:20

Kaa' i Aki Kapuuno' kalo igondo' nangiruan ra ulun ondo' gumagaya', Kalo igondo' No indangano' ulun malaat.

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

MAZMUR 58:11

Paat magilong ra ulun makatula ukumin, ulun mapintar maansayan, am mambagu' ra kalayam ra raraa' ru ulun nausung.

MAZMUR 7:12

I Aki Kapuuno' noyo akim ra matimpok, ondo' magail mangukum ra ulun malaat.

MAZMUR 75:3

I Aki Kapuuno' minindagu, “Bulintok ra pangaruan Kuno, mangakim Aku ra ulun ra natimpok.

MAZMUR 94:2

Okou noyo akim ru ngaangai' ulun; ingkakat no am balasi' noyo ulun malilimbau, gumondo' ra binaal nilo.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

MAMPATANOU 7:15

Kaayagan kutu kolondo' onong, nakakito aku no ra ngaangai'. Sanganuan ulun ondo' moonsoi no matoi kabalu' pana moonsoi ilo. Sanganuan ondo' ulun malaat no maawar painawo kabalu' pana malaat ilo.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

SAGULION 1:16

Paat ragili nambilin aku risilo, ‘Rongogo' toojo pansangaran ondo' nasauk ra gino ngai' ru bansa' min. Pangakim noyo ra moonong pansangaran ra matanda', iou pana ondo' makakulawit ra bansa' min galama', am niayuk ra ulun bansa' ru bokon ondo' minayan ra gino ngai' min.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

IBRANI 12:23

Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

TINGGANAI RU BANSA' 11:27

Kolondo' sala kuno rirun. Okou noyo ondo' makasala sabap mamulunsar ramon. Tuhan galama' noyo ondo' masauk ra akim. Mangakim Io ra baal ragitio ra ulun ru Israil am ulun ru Amon.”