KASAUKAN 18:23 - Tanou Moonsoi Timugon

²³ Inggaar i Abragam ra Tuhan am pangkuot, “Motopot kia ra pusoon Mu ulun kolondo' sala mabaya' ra ulun makasala?

KASAUKAN 18:23 ပူးပေါင်းရင်းမြစ်များ

KASAUKAN 18:24

Amon ru makalimo ngoopor ngaulun kolondo' sala ralalom bandar no, pusoon Mu kia ngaangai'? Kalo kia ampunon Mu koson mamayag ra limo ngoopor ngaulun no?

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

KASAUKAN 20:4

Kaa' kalo poyo rinulug ru Raja' Abimilik i Sara. Indagu io, “Tuhan, kolondo' sala kuno! Pusoon Mu kia aku am ngaangai' mamagun kuno?

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

AYUP 34:17

Amon masisang i Aki Kapuuno' ra katimpakan, kalo maaya' Io mamarinta. Sonsolon min kia i Aki Kapuuno' ondo' matimpok am maikang kaga'?

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 73:28

Kaa' guang ku, moonsoi poyo sumoroi mumbir ri Aki Kapuuno'. Makaalap aku ra sindungan intor ra Tuhan Raja', am potonowon ku ngaangai' ondo' binaal Nano.

KAINGKUALAN 23:7

Pai' pambaal ra panguwan magabau, am pai' kinibiti' ulun kalo makasala ukumin ra matoi, sabap ra mangukum Aku ra ulun ondo' mambaal ra kalaatan koson raginio.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

JAKUBUS 5:17

Koson ra nabi Ilia ra galing i, ulun io ayuk toojo mogondo' ritakau. Kaa' nakiasi' io toojo koson kalo parasamon, am totopot rasam no kalo noyo riminatu' buoi talu ngambilor naintanga'.