KASAUKAN 18:21 - Tanou Moonsoi Timugon

²¹ Ginio ra moonsoi mongoi Aku pangimumui ru ngaangai' panguwan ondo' naining Kuno motopot kapoam kalo.”

KASAUKAN 18:21 ပူးပေါင်းရင်းမြစ်များ

KASAUKAN 11:5

Tauli tuun boo Tuhan mongoi pagilong ra bandar no am manara ondo' binaal ru ulun.

KASAUKAN 11:7

Ibok tuun Takau am jojowo' ragu nilono maa' raginio kalo makapagarati' ilo ra rondo' am bokon.”

KASAUKAN 18:17

Migindagu Tuhan ralalom guang, “Kalo bunion Ku intor ri Abragam atan ondo' baalon Kuno.

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

AYUP 34:22

Kolondo' kalandaman ondo' totopot molondom koson mambuni ra ulun makatula.

MAZMUR 14:2

Intor ra suruga' Tuhan maginduku' ra ulun koson maguyum ra ulun mapintar, ulun ondo' sumamba Riso.

MAZMUR 90:8

Giu' ra saang Muno pabalaan Mu tula maino, tula mai ra nakasibuni makito Muno.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 33:5

sabap ra nanusub Tuhan ri Musa nampasaboi ra ragu Nano ra ulun ru Israil, “Ulun bambalingatan kau. Amon ru maya' Aku ramuyun kabalu' pana sangkinolor ayuk, maaru' pusoon Takamin lingono'. Raino, paguso' limpor mas mino; am aruon Ku ra atan baalon Kuno ramuyun.”

JIRIMIA 17:1

Indagu Tuhan, “Bansa' ru Jiuda kau, tula min tinulisan noyo ra pen basi'; tula mino pinabatik ra guang min ra pen intor ra intan, am pinapaat ra moonong pisuk ru altar mino.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JUNUS 1:2

Indagu Io, “Ongoi no ra Niniwi, bandar maayo no, mompololob ra mamagun no, sabap ra nakapandai Aku ra mamagun no malaat kaga'.”

MIKA 1:3

Mingkual Tuhan intor ra intok Nano ondo' matulai; Timinuun am minugar Io ra tampak ru gunung-gunung ra tana' ti.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

2 KORINTUS 11:11

Kua indagu aku koson raginio? Sabap ra aku kalo motogom ramuyun? Sala'. Nakapandai i Aki Kapuuno' ra motogom aku ramuyun.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!