KASAUKAN 18:20 - Tanou Moonsoi Timugon

²⁰ Indagu boo Tuhan ri Abragam, “Makapanguwan ra maagat kaga' ra bandar Sodom am bandar Gomora am tula nilono maayo kaga'.

KASAUKAN 18:20 ပူးပေါင်းရင်းမြစ်များ

KASAUKAN 19:13

Sabap pusoon mai intok ragitio. Nakaining noyo Tuhan ra panguwan ra maagat kaga' ra mamagun ru giti am nangator Io ramon mongoi pamuso ra bandar Sodom.”

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 4:10

Indagu boo Tuhan, “Kua kia baalo' mu baal makalalaa' ti? Raraa' ru boborok muno nampalaa Raki' intor ra tana', koson ra bolos ondo' mampalaa makitaak ra pakimasian.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

KASAUKAN 19:4

Kalo poyo nombolong tambului no, ungkuyon ru bandar Sodom no liminibung noyo ra baloi no. Nakakai' ungkuyon ru bandar no, ondo' mangatutuo am poyo mangamulok soroi ra giu' no.

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

JOIL 3:13

Malaat ilo kaga', putulo' ilo koson ra gandum bulintok ra mangkumos; pagaa' ilo koson ra kawa' ru anggur giu' ra intok pamagaan ra kawa' ru anggur saboi wain lumimpak.”

JUNUS 1:2

Indagu Io, “Ongoi no ra Niniwi, bandar maayo no, mompololob ra mamagun no, sabap ra nakapandai Aku ra mamagun no malaat kaga'.”

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.