KASAUKAN 18:19 - Tanou Moonsoi Timugon

¹⁹ Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 18:19 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 17:9

Indagu poyo i Aki Kapuuno' ri Abragam, “Musiti' okou niayuk gumagaya' ra bantu' no, okou am niayuk papag muno mansusugul.

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

2 SAMUIL 22:22

Gumagaya' aku ra ukum ru Tuhan; kalo mangiruan aku ri Aki Kapuuno' kuno.

2 SAMUIL 7:20

Atan poyo ondo' maalap ku karagu Rirun! Makapandai Kou ra ngaangai' no intor ra ulipon Muti.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 14:3

Pinatiran ru Raja' Asa altar-altar ru bansa' ra bokon am intok-intok sambaan ra sinungkalalaing. Ginaba' no lugu'-lugu' sinungkalalaing am batu-batu pangkaraan ru Dewi Asyira.

NIGIMIA 9:7

Iou Tuhan i Aki Kapuuno', Okou no ondo' nampili' ri Abram, am naningganai riso miningkual intor ra Ur giu' ra pagun ru Babilonia; Okou nangulau ra inggalan nano nasauk ri Abragam.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

AMSAL 22:6

Ilaa' noyo anak no ra ralan kaayagan ondo' motopot, am saboi matutuo pana kaayagan nano kon raginio.

JISAYA 38:19

Ulun naayag ayuk mongompor Rirun, koson ragino ra aku mongompor Rirun. Ama' nantunung ra gagaya' Muno ra anak nilono.

IMAMAT 14:42

Musiti' batu-batu ondo' baguon pakayon koson pamalit ra batu-batu ondo' pinatiran noyo. Musiti' titikop ru rinding batu no angkupin ra simin baguon.

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

MATIUS 25:17

Mogondo' niayuk ra ulipon ondo' inanian ra ruo ngaribu ruit mas ni ra nakaalap io ruo ngaribu poyo.

JUANIS 10:14

Aku noyo magagalung ra moonsoi. Koson ri Ama' makaulig Raki' am Aku makaulig ri Ama', mogondo' niayuk ra Aku pana makaulig ra domba-domba Kuno am ilo niayuk makaulig Raki'.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 27:31

Kaa' indagu i Paulus ra saujor am niayuk tingganai nilai, “Amon ru mangngandoi ra kapal kalo sumoroi ra kapal ti, akau pana ngaangai' kalo noyo lair maayag.”

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

1 TIMOTIUS 3:12

Sangulun mangingindangan musiti' sangulun ayuk andu' nano am makapagalung ra sasambaloi nano.

2 TIMOTIUS 1:5

Makakara' aku poyo ra pangintapatan muno ondo' mabanis, mogondo' ra pangintapatan ru aru' muno i Lois am niayuk ina' mu i Unis. Nakatainu aku ra okou pana mangintopot mogondo' risilo.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

TINGGANAI RU BANSA' 13:12

Pangkuot boo i Manoa, “Amon ru atan ondo' rinagu muno masauk ra maagu no, atan kia ondo' musiti' baalon ru anak raginio? Ati kulaan baal ru bayag nano ra maagu no?”