KASAUKAN 18:14 - Tanou Moonsoi Timugon

¹⁴ Ginio ra babaai kia kalo mapasauk Tuhan no ra atan-atan? Koson ra ragu Ku ra raitii' ni ra siam ngansila' intor raino rumuli' Aku ragiti. Paat raginio i Sara makaanak sangulun ungkuyon.”

KASAUKAN 18:14 ပူးပေါင်းရင်းမြစ်များ

KASAUKAN 17:16

Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

KASAUKAN 17:21

Kaa' suguton Ku bantu' Kuno ri Isak anak ungkuyon muno ondo' anakon ri Sara ra sambilaran olo'-olo' koson paat ragitio.”

KASAUKAN 18:10

Indagu sangulun intor risilo, “Siam ngansila' intor raino ti rumuli' aku. Paat raginio, andu' muno i Sara makaanak sangulun ungkuyon.” Paat raginio, mangintalingo i Sara ra kulobon ru kim no, giu' ra talikuron nilai.

KASAUKAN 18:13

Pangkuot boo Tuhan ri Abragam, “Kua kasuati' i Sara am pangimuag ra lakat poyo maganak io kabalu' pana matutuo io noyo?

KASAUKAN 18:15

Sabap ra nalaa' i Sara, pangimbuali' io, kono, “Kalo nasuatan aku.” Kaa' taam Tuhan, “Iou, nasuatan kou.”

KASAUKAN 21:1

Binarakat ru Tuhan i Sara koson ra binantu' Nali.

KASAUKAN 21:2

Ginio ra maapang i Sara am paganak sangulun anak ungkuyon paat ri Abragam matutuo noyo. Anak raginio inanak sumugut ra ondo' inaru' noyo ri Aki Kapuuno'.

2 RAJA'-RAJA' 4:16

Indagu i Ilisa riso, “Paat koson ra raino ti ra bilor sumunu' ti, mangubibil kou ra sangulun anak ungkuyon.” Kon ru ruandu' no, “Tuan, pai' ga pagabau raki'. Okou no ulipon ri Aki Kapuuno'!”

AYUP 36:5

Maikang kaga' i Aki Kapuuno', am kalo magasab ra osoi pana; ngaangai' no naratian No.

AYUP 42:2

“Nakapandai aku, iou Tuhan, ra makapambaal Kou ra ngaangai' no; makapambaal Kou ra atan ayuk.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

JIRIMIA 32:27

“Aku noyo Tuhan, i Aki Kapuuno' ru ngaangai' ulun. Kolondo' ondo' mapagon kaga' Raki'.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JAKARIA 8:6

Baal raginio kalo makaimuag ra ulun ondo' lakat poyo naayag intor ra bansa' ragitio, kaa' kalo makaimuag Raki'.

UNTABAN 11:23

Indagu Tuhan, “Makabalitan kia kuasa' Kuno? Makakito kou ra mataki' ru masauk kia kapoam kalo ragu Kuno!”

MATIUS 14:31

Paat niayuk ragili patutuyo' ri Jisus kalindu' Nano am guuto' No i Pitrus. Indagu Io, “Mumpara' boo borok ru pangintapatan muno! Kua kaimamang kou?”

MATIUS 19:26

Ponontong i Jisus risilo am indagu, “Kaayagan mantilayun ti kalo maalap ru ulun, i Aki Kapuuno' ayuk makapangani' ra kolondo' atan kon kalo mabaal Nano.”

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

MARKUS 10:27

Ponontong i Jisus risilo am indagu, “Ginio kalo mabaal ru ulun, kaa' kolondo' kalo mabaal ri Aki Kapuuno'. Ngaangai' mabaal ri Aki Kapuuno'.”

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:18

Kuati' ri Jakaria malaikat no, “Ati kulaan aku makapandai ginio masauk? Akai mansawo matutuo noyo.”

LUKAS 1:37

Kaa' kolondo' kalo mabaal ri Aki Kapuuno'.”

LUKAS 8:50

Pakaining ayuk i Jisus raginio indagu Io ri Jairus, “Pai' kalaa', kaa' pangintopot ayuk am mababas anak muno.”

ROMA 4:21

Nangintopot io toojo ra atan ondo' binantu' ri Aki Kapuuno' totopot masauk.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

IBRANI 11:19

Sabap ra makakalansanan i Abragam ra i Aki Kapuuno' makapamayag ra ulun ondo' minatoi noyo. Ginio ra maaya' raguon ra io ti nangapu noyo ri Isak saguli' intor ra kapatayan.

TINGGANAI RU BANSA' 13:3

Paat ra sangarawan, minintalang malaikat ru Tuhan ra andu' ri Manoa am indagu, “Buoi ti kolondo' anak muno, kaa' kalo boo mabuoi maapang kou am maganak ra sangulun anak ungkuyon.

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”