KASAUKAN 17:8 - Tanou Moonsoi Timugon

⁸ Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 17:8 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 13:17

Raino, ongoyo' liputo' titikop intok ra tana' ragitio sabap ra pataakon Ku noyo ngaangai' rirun.”

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 35:27

Minongoi i Jakub tuum ri Isak, ama' nano giu' ra Mamri mamaar ra Gibron. Giu' no intok namagunan ri Abragam am i Isak ra galing i.

KASAUKAN 36:7

Minugar io sabap ra tana' inayanan nilo ri Jakub no kalo sumama', makabiniag ilo ra masuang kaga' am kalo boo makapasimpung ilo ra mabuoi.

KASAUKAN 37:1

Riminapil poyo i Jakub ra pagun ru Kanaan, intok inayanan ru ama' nali ra galing i.

KASAUKAN 48:4

Indagu io raki', ‘Mangani' Aku rirun ra masuang anak maa' raginio papag muno masauk ra bansa' masuang. Taakin Ku ra papag muno tana' ragitio koson ilo ra ampu' ra sabuoi-buoi no!’ ”

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

1 TUNUNG RU BANSA' ISRAIL 16:18

Indagu Io, “Akau aniin Ku ra pagun Kanaan, koson masauk ra longgom tungkuson min.”

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 105:11

Minindagu Io, “Pataakon Ku pagun ru Kanaan, koson masauk ra longgom tinungkus min.”

MAZMUR 105:9

nabantuan ra binaal Nano ri Abragam, am bantu' Nano ri Isak,

KAINGKUALAN 13:11

Indagu i Musa ra ulun ru Israil, “Ibiton kau ru Tuhan ra tana' ru ulun ru Kanaan, ondo' binantu' Nano ramuyun am kinamatuaan mini. Makataak No ramuyun,

KAINGKUALAN 21:6

musiti' tuan nano magibit riso ra intok sambayangan. Giu' no susubon ulipon no migor am sumandig ra kulobon kapoam lugu' ru kulobon, musiti' tibakin ru tuan nano talingo ru ulipon no. Koon raginio boo masauk ulipon no ra ulipon ru tuan nano saboi matoi.

KAINGKUALAN 29:45

Mayan Aku sumimpung ra ulun ru Israil, am masauk Aku ri Aki Kapuuno' nilo.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

KAINGKUALAN 40:15

Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 33:24

“Okou ulun mapandai matoi, ulun ondo' minayan giu' ra intok nalunsai ra bandar-bandar ru Israil mindagu, ‘I Abragam sangulun ayuk, am nakaalap ra titikop ru tana' ti; kaa' itakau ti masuang, am maaru' no tana' ti masauk ra longgom takau.’

IMAMAT 14:34

ra aturan ragitilo intor ra baloi ondo' natiu' ra kulapuk ondo' gumaai. Aturan ragitilo musiti' gagayaan ru ngaangai' ulun ru Israil mopongo mumpos ralalom pagun Kanaan, ondo' taakin ru Tuhan risilo koson ra ilo tatangan. Osoi ondo' makapandai ra naparatong noyo Tuhan ra kulapuk giu' ralalom baloi nano, musiti' baal raginio pabalaan min ra imam.

IMAMAT 16:34

Aturan ragitilo musiti' gagayaan ra sabuoi-buoi no. Musiti' baalon upacara ragitio igondo' sambilor koson mapapasau ra ulun ru Israil intor ra ngaangai' tula nilo. Ginio ra, baalon ngaangai' no koson ra nanusuban ru Tuhan ri Musa.

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

UNTABAN 10:29

Indagu i Musa ra lango' nano i Gobab anak ri Jitro, ulun ru Midian no, “Mugar akai mongoi ra intok ondo' kon ru Tuhan paat Io minindagu ra manaak raginio ramon. Nambantu' Io noyo ra baal ondo' moonsoi ra ulun ru Israil. Ginio ra baya' ramon am moonsoi akai rirun.”

UNTABAN 25:13

Sabap ra kalo pinoloso no Israil siminamba ra tuhan ra bokon, am naparatong io niayuk ra pangampunan ra tula ra tayar ru ulun raginio, io am papag nano masauk ra imam ra sabuoi-buoi no.”

UNTABAN 27:12

Indagu Tuhan ri Musa, “Pagaloi no ra Kagunungan Abarim am ilai' noyo tana' ondo' taakin Kuno ra ulun ru Israil.

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 29:13

Ra nabantuan raginio, nangiou Tuhan ramuyun masauk ra ulun Nano, am nasauk Io ri Aki Kapuuno' min, koson ondo' binantu' Nano ramuyun am ra kinamatuaan min, i Abragam, i Isak am i Jakub.

SAGULION 32:49

“Ongoi noyo ra Kagunungan Abarim giu' ra tana' Moab, ondo' nantaluma' ra bandar Jiriko. Pagaloi noyo ra Gunung Nibo, am impalo' noyo tana' ru Kanaan ondo' mataki' Kuno pataakon ra ulun ru Israil.

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 4:37

Sabap ra motogom Io ra kinamatuaan min, nampili' Io ramuyun; am ra kuasa' Nano ondo' maayo, Io galama' nagibit ramuyun miningkual intor ra Misir.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

JOSUA 1:2

Indagu Tuhan, “Minatoi noyo ulipon Kuno i Musa. Moonsoi tumampos kau, okou am ngaangai' ulun ru Israil. Laup noyo ra Sungoi Jordan am ongoi noyo ra tana' ondo' taakin Kuno risilo.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.