KASAUKAN 17:7 - Tanou Moonsoi Timugon

⁷ “Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 17:7 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 17:13

Ginio ra musiti' moonong ungkuyon sunatin am sunat ti masauk ra tatandu' ru inan ondo' mapakito ra nabantuan Kuno rirun mantilayun.

KASAUKAN 17:19

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 6:18

kaa' mambaal Aku ra bantu' rirun. Subol kano ra ralalom ru kapal mabaya' ra andu' muno, anak-anak muno am andu' nilono.

KASAUKAN 9:16

Paat makito bulintung no ra gaun no, makito Ku am mangkara' Aku ra nabantuan mantilayun Kuli am ngaangai' ondo' maayag ra tana' ti.

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

1 TUNUNG RU BANSA' ISRAIL 16:14

Tuhan noyo i Aki Kapuuno' takau; susuban Nano koson ra titikop ru tana' ti.

MAZMUR 81:10

Pai' kau samba ra tuhan ra bokon.

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

IMAMAT 25:38

Gitio noyo susuban ru Tuhan i Aki Kapuuno' min, ondo' nagibit ramuyun miningkual intor ra Misir koson mangani' ramuyun ra pagun Kanaan, maa' raginio masauk Io ri Aki Kapuuno' min.

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

IMAMAT 26:45

Manalimbagu Aku ra nabantuan ondo' binaal Kuli ra kinamatuaan nilai paat ra Aku nagibit risilo miningkual intor ra Misir koson manulu' ra kuasa' Kuno ra ngaangai' bansa', am maa' raginio Aku, Tuhan makasauk ri Aki Kapuuno' nilo.”

IMAMAT 26:9

Mambarakat Aku ramuyun am manaak ramuyun ra masuang anak. Suguton Ku nabantuan ondo' binaal Kuno ramuyun.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

MARKUS 10:14

Pakakito i Jisus, sangit Io am indagu ra maamaya' Nano, “Polosoo' noyo lalaing-lalaing no matong Raki'! Pai' min ingai' ilo, sabap ra ulun koson ra lalaing-lalaing ti noyo masauk ra ulun ri Aki Kapuuno'.

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

SAGULION 29:13

Ra nabantuan raginio, nangiou Tuhan ramuyun masauk ra ulun Nano, am nasauk Io ri Aki Kapuuno' min, koson ondo' binantu' Nano ramuyun am ra kinamatuaan min, i Abragam, i Isak am i Jakub.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.