KASAUKAN 17:6 - Tanou Moonsoi Timugon

⁶ Aku pana manaak rirun ra masuang papag am mokoondo' intor risilo no masauk ra raja'. Okou makapapag ra masuang toojo saboi ilo ti masauk ra bansa'-bansa'.

KASAUKAN 17:6 ပူးပေါင်းရင်းမြစ်များ

KASAUKAN 17:4

“Gitio noyo bantu' Kutu rirun: Bantu' Kuno ra okou masauk ra kinamatuaan ru masuang bansa'.

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 17:16

Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

IJRA 4:20

Raja'-raja' ondo' mapanggol namarinta noyo ra giu' am giu' ra titikop ru wilayah Iprat Kalasaan, am niayuk nampalulur ra cukai am tangguang.

KASAUKAN 17:20

Kaa' nangiou Aku noyo ra pakiasian muno ra tayar ri Ismail. Sabap raginio barakaton Ku am aniin Ku io ra papag ra masuang. Masauk Io ra kinamatuaan ru mopor am ruo ngaulun raja' am papag nano saukon Ku ra rondo' bansa' ondo' maayo kaga'.

KASAUKAN 26:22

Banding io intor ra giu' no am pangkali ra tulubong ra bokon poyo. Ragino ti, kolondo' mansasangor. Ginio ra inggalani' ri Isak tulubong no “Kalabusan”. Indagu io, “Raino, nanaak Tuhan ritakau ra kalabusan mayan ra pagun ti, am malabaan takau ragiti.”

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 41:52

Kono niayuk, “Nangani' i Aki Kapuuno' raki' ra anak giti ra pagun kaimbalaan kuti.” Ginio ra inggalani' no anak karuo nano i Ipraim.

KASAUKAN 47:27

Minayan ulun ru Israil ra pagun ru Misir giu' ra libung ru Gosyin, am liminangkaya' ilo am makaanak ra masuang.

IMAMAT 26:9

Mambarakat Aku ramuyun am manaak ramuyun ra masuang anak. Suguton Ku nabantuan ondo' binaal Kuno ramuyun.

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

KASAUKAN 48:4

Indagu io raki', ‘Mangani' Aku rirun ra masuang anak maa' raginio papag muno masauk ra bansa' masuang. Taakin Ku ra papag muno tana' ragitio koson ilo ra ampu' ra sabuoi-buoi no!’ ”