KASAUKAN 17:5 - Tanou Moonsoi Timugon

⁵ Ginio ra inggalan muno sala' boo ka i Abram kaa' i Abragam sabap masauk kou ra kinamatuaan ru masuang bansa'.

KASAUKAN 17:5 ပူးပေါင်းရင်းမြစ်များ

KASAUKAN 17:15

Indagu boo i Aki Kapuuno' ri Abragam, “Pai' boo sabito' andu' muno ri Sarai, intor raino inggalan nano i Sara.

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 32:29

Indagu i Jakub, “Balai' aku ra inggalan muno.” Kaa' taam ulun no, “Kalo pana makapandai kou ra inggalan kuno.” Barakato' no boo i Jakub.

KASAUKAN 35:10

Indagu i Aki Kapuuno' riso, “Inggalan muno i Jakub, kaa' intor raino piawon kou ri Israil.” Ginio ra inggalani' io ri Aki Kapuuno' ri Israil.

2 SAMUIL 12:25

am nanusub ra Nabi Natan manginggalan ra anak no ri Jidija, sabap ra motogom Tuhan riso.

1 TUNUNG RU BANSA' ISRAIL 1:27

am Abram (nauligan niayuk ri Abragam).

NIGIMIA 9:7

Iou Tuhan i Aki Kapuuno', Okou no ondo' nampili' ri Abram, am naningganai riso miningkual intor ra Ur giu' ra pagun ru Babilonia; Okou nangulau ra inggalan nano nasauk ri Abragam.

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JIRIMIA 20:3

Suabon no, kalupus i Pasyur namugal ra rantai kuti, indagu aku riso, “Inggalan ondo' tinaakan ru Tuhan rirun sala' ka i Pasyur, kaa' ‘Kalaanan Ra Ati Ayuk’.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

UNTABAN 13:16

Ginilo noyo pansigo ondo' sinusub ri Musa koson lumiput ra tana' no. Binandingan ri Musa inggalan ri Gosia anak ri Nun nasauk ri Josua.

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

ROMA 4:17

Koson ra tinulisan noyo ra Buuk Kitab, “Inaru' tokou no masauk ra ama' ru masuang bansa'.” Koson raginio nambantu' i Aki Kapuuno' ri Abragam am nangintopot i Abragam Riso: Io no ondo' mampakaayag ra ulun minatoi am ondo' ralalom ru ragu Nano mampasauk ra atan ondo' kalo poyo igondo' kasauk.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”