KASAUKAN 17:17 - Tanou Moonsoi Timugon

¹⁷ Igulatur boo i Abragam, kaa' masuatan io paat mangkara' ra, “Kalo noyo lair sangulun ungkuyon ondo' makaumur maatus ngambilor makaanak poyo? Kalo noyo lair maganak i Sara ra kinatuo nano ra siam ngoopor ngambilor?”

KASAUKAN 17:17 ပူးပေါင်းရင်းမြစ်များ

KASAUKAN 17:18

Ginio ra indagu io ri Aki Kapuuno', “Moonsoi poyo i Ismail no ayuk pana manungkus raki'.”

KASAUKAN 17:3

Igulatur i Abram am indagu boo i Aki Kapuuno',

KASAUKAN 18:11

Matutuo noyo i Abragam am i Sara, am liminonggo' noyo i Sara ti liuran.

KASAUKAN 18:12

Masuatan i Sara am indagu, “Matutuo aku noyo am nangumpis noyo, kalo noyo lair makimarulug aku ra ralaki kuno? Ralaki kuno pana matutuo noyo.”

KASAUKAN 21:5

Umur ri Abragam maatus ngambilor paat i Isak inanak.

KASAUKAN 21:6

Indagu i Sara, “Napakurit i Aki Kapuuno' raki' sabap ra maansukan. Moonong ulun makaining ra baal raginio ondo' makakurit ra maansukan mabaya' raki'.”

KASAUKAN 21:7

Indagu poyo i Sara, “Osoi kia nakaindagu ragili ra ralaki kuno ra mapatiti' aku ra anak? Kaa' naganak aku niayuk kabalu' pana matutuo noyo kaga' ralaki kutu.”

1 TUNUNG RU BANSA' ISRAIL 21:16

Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

YEHEZKIEL 1:28

ra batik-batik ru bulintung. Sinda manguliat no nanulu' ra ratangan ru Tuhan.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

UNTABAN 14:5

Kubu boo i Musa am i Arun ra saang ru ngaangai' ulun no.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 16:45

“Lugut intor ra ngaangai' ulun ti sabap ra masaga' Aku mamatoi risilo ra intok raginio niayuk!” Kubu ilo ruo,

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

LUKAS 1:18

Kuati' ri Jakaria malaikat no, “Ati kulaan aku makapandai ginio masauk? Akai mansawo matutuo noyo.”

JUANIS 8:56

Kinamatuaan min i Abragam, naansayan ra makakito ra ratangan Kuno. Nakakito io noyo am naansukan io.”

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.

SAGULION 9:25

Ginio ra samba kubu aku ra saang ru Tuhan buoi apat ngoopor ngoorou am apat ngoopor ngorondom, sabap nakapandai aku ra namatas Io koson mamuso ramuyun.

JOSUA 5:14

Taam ulun no, “Aku sala' ka saujor min am sala' ka pantula'. Aku ti panglima saujor ru Tuhan.” Kubu samba i Josua am indagu, “Ulipon mu aku. Atan kia susuban muno raki'?”

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

PINAINTALANG 11:16

Karuo ngoopor am apat ngaulun tingganai ondo' nanturung ra takhta ra saang ri Aki Kapuuno' no, igulatur am samba ilo ri Aki Kapuuno'.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

TINGGANAI RU BANSA' 13:20

Tatanga' simbula' ru apui minsawat intor ra altar no, nakito ri Manoa am andu' nano malaikat ru Tuhan sumaboi ra limbowon ralalom simbula' ru apui no. Bagu no nakaliman i Manoa ra ondo' nakito nano iono malaikat ru Tuhan. Io am andu' nano pana kiminubu samba. Kalo boo igondo' ilo pakakito ra malaikat no.