KASAUKAN 17:16 - Tanou Moonsoi Timugon

¹⁶ Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

KASAUKAN 17:16 ပူးပေါင်းရင်းမြစ်များ

KASAUKAN 1:28

Barakati' No ilo am indagu, “Paganak kano kasusuang maa' raginio papag mino mayan ra titikop intok ra tana' ti am manguasa'. Akau manguasa' ra ngaangai' papait, susuit am ngaangai' bibiag ondo' masigo.

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 15:4

Naining poyo ri Abram ragu ru Tuhan, “Ulipon raginio kalo makapanungkus ra rapu' muno; Anak ungkuyon muno galama' ondo' manungkus.”

KASAUKAN 17:15

Indagu boo i Aki Kapuuno' ri Abragam, “Pai' boo sabito' andu' muno ri Sarai, intor raino inggalan nano i Sara.

KASAUKAN 17:19

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

KASAUKAN 17:6

Aku pana manaak rirun ra masuang papag am mokoondo' intor risilo no masauk ra raja'. Okou makapapag ra masuang toojo saboi ilo ti masauk ra bansa'-bansa'.

KASAUKAN 21:1

Binarakat ru Tuhan i Sara koson ra binantu' Nali.

KASAUKAN 24:60

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 25:23

Indagu Tuhan riso, “Mokoondo' ruo bansa' tininai' muno, maganak kou ra ruo bansa' ondo' mantula'; boborok no maikang poyo intor ra maayo no, maayo no makiulipon ra boborok no.”

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 36:31

Paat ra kolondo' poyo raja' namarinta ra Israil, raja'-raja' ragitio nansusuali namarinta ra tana' Idom: Raja' Bila anak ri Bior intor ra Dingaba. Raja' Jobab anak ri Jirag intor ra Bojra. Raja' Gusyam intor ra libung Timan. Raja' Gadad anak ri Bidad intor ra Awit. (Io ti noyo nangala ra ulun ru Midian paat ilo nangayou giu' ra pagun ru Moab.) Raja' Samla intor ra Masrika. Raja' Saul intor ra Rigobot giu' ra kiing ru sungoi. Raja' Baal-Ganan anak ri Akbor. Raja' Gadar intor ra Pau (andu' nano ininggalanan ri Migitabil, anak ruandu' ri Matrid am akupu ruandu' ri Mijagab.)

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

ROMA 9:9

Sabap ragitio noyo ondo' binantu' ri Aki Kapuuno' ri Abragam, kon Nano, “Sumaguli' Aku ra orou ondo' inaru' noyo am paat raginio maganak i Sara ra sangulun anak ungkuyon.”

GALATIA 4:23

Anak ra nasimpungan no ra ulipon i inanak maya' ra kasagaan nano ayuk, kaa' anak ra nasimpungan no ra andu' no inanak maya' ra nabantuan ri Aki Kapuuno'.

1 PITRUS 3:6

Koson niayuk i Sara giminagaya' ri Abragam, saboi nanabit io riso ra “tuan nano”. Akau ti koson ayuk ri Sara raino, amon ru mambaal kau ra moonsoi am kalo malaa' ra atan ayuk pana.