KASAUKAN 17:1 - Tanou Moonsoi Timugon

¹ Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 17:1 ပူးပေါင်းရင်းမြစ်များ

KASAUKAN 12:1

Indagu Tuhan ri Abram, “Iruani' noyo pagun muno, matuo muno, pabukat muno am ongoi no ra pagun ondo' pataakon Kuno rirun.

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 16:16

Paat raginio umur ri Abram balu' ngoopor am onom ngambilor.

KASAUKAN 18:1

Minintalang Tuhan ri Abragam maar ra puun-puun matulai giu' ra Mamri. Nakapaat ra mapangit toojo orou am nanturung i Abragam ra kulobon ru kim nano.

KASAUKAN 18:14

Ginio ra babaai kia kalo mapasauk Tuhan no ra atan-atan? Koson ra ragu Ku ra raitii' ni ra siam ngansila' intor raino rumuli' Aku ragiti. Paat raginio i Sara makaanak sangulun ungkuyon.”

KASAUKAN 24:40

Kaa' taam io, ‘Tuhan ondo' masalok kuno gagayaan no, mangator ra malaikat Nano mangindangan rirun am manugut ra kandoi muno. Makatuum kou ra andu' ru anak ungkuyon kuno intor ra ulun kuno ayuk poyo galama' am iono pabukat ru ama' kuno ayuk poyo.

KASAUKAN 26:2

Intalang Tuhan riso am indagu, “Pai' ongoi ra pagun ru Misir, ayan ayuk ra pagun tuluon Kuno rirun.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 43:14

Gama' ru i Aki Kapuuno' Ondo' Maayo Kaga' Kuasa' mambaal ra gabenor no makaasi' ramuyun, saboi parulion no i Binjamin am i Simion ramuyun. Aku ti, amon ru maluusan aku pana ra anak, inda' am atan piboo kulaan.”

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

KASAUKAN 48:15

Barakato' no i Jusup, kono, “Gama' ru i Aki Kapuuno' ondo' sambaan ru kinamatuaan kuli i Abragam am i Isak, mambarakat ra anak-anak ti. Gama' ru i Aki Kapuuno' ondo' nagalung raki' saboi orou raiti', mambarakat risilo.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

KASAUKAN 5:22

Kopongo raginio naayag poyo i Ginok ralalom pasimpungan no ri Aki Kapuuno' buoi 300 ngambilor. Makaanak io poyo ra bokon,

KASAUKAN 5:24

I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

1 RAJA'-RAJA' 2:4

Amon ru gumagaya' kou ra Tuhan, suguton no bantu' ondo' binaal Nano paat ra Io nambala' raki' ra papag kuno mamarinta ra Israil, buoi nilo totopot gumagaya' ra ngaangai' susuban Nano am gumagaya' Riso ra sotopot-topot ru guang am salibuor nilo.

1 RAJA'-RAJA' 3:6

Taam Raja' Salomo, “Nampakito Kono ra togom ondo' maayo ra ulipon Muno Raja' Daut, ama' kuno. Io moonsoi, gumagaya', am mabanis guang Rirun. Magail Kou mampakito ra togom Muno ondo' maayo am mantilayun no riso am nangani' riso ra sangulun anak ungkuyon, ondo' raino ti mamarinta minalit riso.

1 RAJA'-RAJA' 8:25

Ginio ra, iou Tuhan, i Aki Kapuuno' ru Israil, suguto' niayuk bantu' Muli ondo' rondo' poyo ra ama' kuli. Minindagu Kou riso ra intor ra papag nano magail mokoondo' sangulun koson mamarinta koson ra raja' ru Israil, ondo' ayuk ra ilo totopot gumagaya' Rirun koson ra Raja' Daut.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 11:7

Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

MAZMUR 115:3

I Aki Kapuuno' mai soroi ra suruga'; suguton No atan kasaga' Nano.

MAZMUR 116:9

Aku pana maayag ra tana' ti, ralalom panindungan ru Tuhan.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

AMSAL 10:9

Ulun mabanis guang, kaayagan nano kalinuos ayuk; ulun ra mamparuung pupus no mapandayan niayuk.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

UNTABAN 11:23

Indagu Tuhan, “Makabalitan kia kuasa' Kuno? Makakito kou ra mataki' ru masauk kia kapoam kalo ragu Kuno!”

UNTABAN 24:16

sangulun ondo' riminongog ra bala' ri Aki Kapuuno', am nangapu ra kapandayan intor Riso Ondo' Masawat Kaga'; sangulun ondo' nakakito ra pinaintalang intor ri Aki Kapuuno' Ondo' Maayo Kaga' Kuasa' liliwa' naaba', kaa' ra nasingkarat mato.

MATIUS 19:26

Ponontong i Jisus risilo am indagu, “Kaayagan mantilayun ti kalo maalap ru ulun, i Aki Kapuuno' ayuk makapangani' ra kolondo' atan kon kalo mabaal Nano.”

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 18:13

Musiti' kau gumagaya' toojo ra Tuhan i Aki Kapuuno' min.”

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.