KASAUKAN 16:4 - Tanou Moonsoi Timugon

⁴ Rinulug boo ri Abram i Agar am kaapang io. Kalimani' ri Agar ra maapang io noyo, liminimbau io boo am magasab ri Sarai.

KASAUKAN 16:4 ပူးပေါင်းရင်းမြစ်များ

KASAUKAN 16:3

Ginio ra pataako' ri Sarai i Agar no ri Abram. Paat raginio mopor ngambilor noyo buoi ri Abram namagun ra pagun ru Kanaan.

KASAUKAN 16:5

Indagu boo i Sarai ri Abram, “Ginio sala muno saboi magasab i Agar no raki'. Aku galama' napataak riso rirun am paat nalimanan no ra maapang io, magasab io boo raki'. Gama' ru salingapuon toojo ru Tuhan no ra osoi kia rito motopot, okou kia kapoam aku.”

KASAUKAN 19:31

Indagu anak ruandu' ra katuaan no ra boborok nano, “Matutuo noyo i ama' am titikop ra tana' ti kolondo' sangulun ungkuyon manangandu' rito koson mokoowot ra anak.

KASAUKAN 21:9

Sangarawan ragili, i Ismail anak ri Abragam ilo ri Agar ruandu' ru Misir no, nakimangkuli ri Isak, anak ri Sara.

KASAUKAN 30:4

Pataako' no boo i Bilga ra ralaki nano, am rulug i Jakub ra ulipon no.

2 SAMUIL 6:16

Paat ra Kaban Nabantuan inibit siminubol ra bandar, i Mikgal anak ruandu' ru Raja' Saul, minimpal ra gigimpalan am nakakito ra Raja' Daut mansasayau am titindak koson mangurumat ra Tuhan. Mataman i Mikgal magilong ra Raja' Daut.

AMSAL 30:23

sangulun ruandu' nawot kabalu' pana kalo kasagain io ru ulun, am sangulun ulipon ruandu' ondo' nampagaau ra intok ru puan nano.

1 KORINTUS 4:6

Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.