KASAUKAN 16:2 - Tanou Moonsoi Timugon

² Indagu i Sarai ri Abram, “Kalo noyo lair paganakon aku ru Tuhan. Ginio ra rulugo' noyo ulipon kuno. Makapaganak io lair raki' kasangulun anak.” I Abram pana nangiou ra atan ondo' rinagu ri Sarai.

KASAUKAN 16:2 ပူးပေါင်းရင်းမြစ်များ

KAINGKUALAN 21:4

Amon ru inuatan io ru tuan nano ra sangulun ruandu', am naganak andu' nano kukula' ngaulun anak ungkuyon am ruandu', tuan nano tatangan ra andu' am anak nano, am kalo makaaya' paat ra ulipon no palabuson.

KASAUKAN 18:10

Indagu sangulun intor risilo, “Siam ngansila' intor raino ti rumuli' aku. Paat raginio, andu' muno i Sara makaanak sangulun ungkuyon.” Paat raginio, mangintalingo i Sara ra kulobon ru kim no, giu' ra talikuron nilai.

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

MAZMUR 127:3

Anak-anak iono pinataak ru Tuhan; sotopot no ilo tangguang.

RUT 4:11

Ngaangai' tingganai ru bandar am niayuk ngaangai' ru ulun soroi ra giu' i, mindagu, “Ba iou, akai no sasi'. Gama' ru Tuhan mapasauk ra andu' muno koson ri Ragil am i Liya, ondo' naganak ra masuang anak ri Jakub. Gama' ru masauk kau langkaya' ra popolos ru bansa' ru Iprata am mauligan kaga' giu' ra Bitligim.

KASAUKAN 30:22

I Aki Kapuuno' pana nakara' poyo i Ragil, rinongog no kiniasi' nano am nambaal riso maganak.

KASAUKAN 25:21

Sabap ra kolondo' anak ri Ribika, pakiasi' boo i Isak ra Tuhan. Pakiasian ri Isak no iniou ru Tuhan saboi i Ribika maapang.

KASAUKAN 17:16

Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

KASAUKAN 3:12

Taam ungkuyon i, “Ruandu' ondo' pinamarangan Mu raki' ti nai nangani' raki' ra kawa' no am akano' ku boo.”

KASAUKAN 30:6

Indagu boo i Ragil, “Mabanis ukum ri Aki Kapuuno' no ra iniou no kinitaak kuno. Rinongog no kiniasi' kuno am nanaak Io raki' ra anak ungkuyon.” Inggalani' boo ri Ragil anak raginio i Dan.

KASAUKAN 19:31

Indagu anak ruandu' ra katuaan no ra boborok nano, “Matutuo noyo i ama' am titikop ra tana' ti kolondo' sangulun ungkuyon manangandu' rito koson mokoowot ra anak.

KASAUKAN 11:30

I Sarai ti tabanang.