KASAUKAN 16:11 - Tanou Moonsoi Timugon

¹¹ Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 16:11 ပူးပေါင်းရင်းမြစ်များ

KASAUKAN 17:19

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

AYUP 38:41

Osoi kia mampakan ra bangkaak maitom paat ra susuit no kakatisuk maguyum ra akanon, paat ra gogol-gogol ru susuit pasapios Raki' makipakan?

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 3:9

Sotopot no naining Ku noyo golok ru ulun Kuno am nakito Ku ati kulaan ru ulun ru Misir nangulipon kaga' risilo.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:31

Maapang kou am maganak kou ra sangulun anak ungkuyon. Inggalani' anak no i Jisus.

LUKAS 1:63

Pakitaak i Jakaria ra rondo' papan pamatikan am panulis io, “I Juanis inggalan nano.” Nangimuag ilo ngaangai'.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”