KASAUKAN 15:18 - Tanou Moonsoi Timugon

¹⁸ Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 15:18 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 2:14

Sungoi katalu, ininggalanan ra Tigris, ondo' tumilis ra tampilon sirangon ru Asyur am sungoi kaapat ti ininggalanan ra Iprat.

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 35:12

Pagun ra nakataak Ku noyo ri Abragam am i Isak, pataakon Ku rirun am ra papag muno.”

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

2 SAMUIL 8:3

Kopongo raginio nangala Raja' Daut ri Gadadijir anak ri Rigob, raja' giu' ra Joba giu' ra pagun Siria. Paat raginio tatanga' i Gadadijir ralalom pangkiralanan muli' koson mapatapuli' ra kuasa' nano giu' ra wilayah ralayo ru Sungoi Iprat.

1 RAJA'-RAJA' 4:21

Pamarintaan ru Raja' Salomo nakasimpung ngaangai' pagun intor ra Sungoi Iprat saboi ra Palistin am balitan ru pagun ru Misir. Panguasa' ru pagun-pagun no mambayar ra upiti ra Raja' Salomo, am ilo ti kinuasa' no ra buoi ru bayag nano.

1 RAJA'-RAJA' 5:1

Raja' Giram intor ra Tirus magail rumangan ra Raja' Daut. Ginio ra paat Raja' Giram nokorongog ra Raja' Salomo namarinta minalit ra Raja' Daut ama' nano, nanusub io ra sangulun duta mongoi ra Raja' Salomo.

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

1 TUNUNG RU BANSA' ISRAIL 5:9

Mokoondo' ilo ra masuang kaga' bibiag tinambiag giu' ra libung Giliad. Ginio ra minayan ilo ra tana' giu' ra tampilon sirangon saboi ra tana' kaagisan, ondo' malimparang saboi ra Sungoi Iprat.

2 TUNUNG RU BANSA' ISRAIL 7:8

Raja' Salomo am ngaangai' ulun ru Israil mangiantak ra Pangiantakan Mangkalukub ra Raun buoi no tulu' ngoorou. Masuang kaga' ulun ondo' minatong koson mangiantak ra pangiantakan no. Minatong ilo intor ra libung kinagalur ru Ginting Gamat giu' ra ralayo am balitan ru pagun ru Misir giu' ra rabugus.

2 TUNUNG RU BANSA' ISRAIL 8:7

Raja' Salomo nanusub ra ulun papag ru ulun ru Kanaan koson mambaal ra kandoi pajajalon; ilo ulun ru Git, Amori, Piris, Giwi am Jibusi, ondo' kalo pinatoi ru ulun ru Israil paat ra ilo nampagaau ra tana' no ragili. Papag ru ngaangai' ulun no lakat poyo nasauk ra inulipon saboi raino.

2 TUNUNG RU BANSA' ISRAIL 9:26

Raja' Salomo nanguasa' ra raja'-raja' giu' ra wilayah ondo' intok no intor ra Sungoi Iprat saboi ra pagun ru ulun ru Palistin am balitan ru Misir.

IJRA 4:20

Raja'-raja' ondo' mapanggol namarinta noyo ra giu' am giu' ra titikop ru wilayah Iprat Kalasaan, am niayuk nampalulur ra cukai am tangguang.

NIGIMIA 9:8

Natutunan Mu ra giminagaya' io Rirun, am nambaal Kou ra nabantuan riso. Binantu' Mu koson mangani' riso ra pagun ru ulun ru Kanaan, pagun ru ulun ru Git am ulun ru Amori, pagun ru ulun ru Piris, ulun ru Jibusi am ulun ru Girgasi, koson masauk ra intok ayanan ru papag nano. Sinugut Mu bantu' Muno sabap ra Okou matimpok am gumagaya'.

MAZMUR 105:11

Minindagu Io, “Pataakon Ku pagun ru Kanaan, koson masauk ra longgom tinungkus min.”

KAINGKUALAN 13:11

Indagu i Musa ra ulun ru Israil, “Ibiton kau ru Tuhan ra tana' ru ulun ru Kanaan, ondo' binantu' Nano ramuyun am kinamatuaan mini. Makataak No ramuyun,

KAINGKUALAN 2:24

Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub.

KAINGKUALAN 23:23

Sumigulu malaikat Kuno ramuyun am niayuk magibit ramuyun mongoi ra pagun ru ulun ru Amori, Git, Piris, Kanaan, Giwi am Jibusi; pusoon Ku ilo.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

KAINGKUALAN 34:24

Mopongo Ku pagiruon bansa'-bansa' intor ra saang min am mapalangka' ra wilayah min, kolondo' sangulun pana makakinam manalingaau ra pagun min paat ra talu pangiantakan no.

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

KAINGKUALAN 6:8

Magibit Aku ramuyun mongoi ra pagun ondo' binantu' Kuno ra ibot koson pataakon Ku ri Abragam, ri Isak am ri Jakub. Mapataak Aku ra tana' no ramuyun ra longgom min. Aku noyo Tuhan.’ ”

JISAYA 27:12

Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JIRIMIA 32:22

Nangani' Kou ra pagun ondo' moonsoi am malabung ti risilo, koson ra ondo' binantu' Mu noyo ra kinamatuaan nilo.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

IMAMAT 26:42

mangkara' Aku ra nabantuan Kuli ri Jakub, i Isak am i Abragam. Manalimbagu Aku ra bantu' Kuno koson manaak ra pagun no ra ulun Kuno.

IMAMAT 26:45

Manalimbagu Aku ra nabantuan ondo' binaal Kuli ra kinamatuaan nilai paat ra Aku nagibit risilo miningkual intor ra Misir koson manulu' ra kuasa' Kuno ra ngaangai' bansa', am maa' raginio Aku, Tuhan makasauk ri Aki Kapuuno' nilo.”

UNTABAN 34:5

Giu' no balitan no lumikou mongoi ra limayak giu' ra balitan ru pagun ru Misir, am mapupusan giu' ra Raat Tanga'.

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

SAGULION 11:24

Ngaangai' tana' ondo' kinjangin min masauk ra longgom min. Wilayah min malangka', intor ra tana' kaagisan giu' rabugus saboi ra kagunungan Libanon giu' ra ralayo, am intor ra Sungoi Iprat giu' ra sirangon saboi ra Raat Tanga' giu' ra kalasaan.

SAGULION 12:20

Paat napalangka' Tuhan ra wilayah min koson ondo' binantu' Nano, makaakan kau ra kual ra sasanggilan ayuk akau masaga'.

SAGULION 19:8

Paat Tuhan i Aki Kapuuno' min mapalangka' ra tana' min koson ra binantu' Nano ra kinamatuaan mini, am niayuk manaak ra titikop ra tana' ondo' binantu' Nano ramuyun,

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

JOSUA 15:4

Intor ra giu' balitan raginio saboi ra Ajmon, am mansusug ra sungoi boborok giu' ra balitan ru Misir saboi ra Raat Tanga'. Ginio noyo balitan tayar rabugus ru pagun Jiuda.

PINAINTALANG 9:14

Indagu bolos ti ra malaikat koonom no, “Labusi' noyo apat malaikat ondo' nabangkil giu' ra sungoi ru Iprat no!”