KASAUKAN 15:16 - Tanou Moonsoi Timugon

¹⁶ Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

KASAUKAN 15:16 ပူးပေါင်းရင်းမြစ်များ

KASAUKAN 10:16

I Kanaan niayuk kinamatuaan ru ulun ru Jibusi, ulun ru Amori am ulun ru Girgasi,

KASAUKAN 15:13

Indagu Tuhan riso, “Papag muno masauk ra ulun bansa' ra bokon giu' ra pagun ra bokon. Masauk ilo ra ulipon ra giu' no am uliponon ilo buoi apat ngaatus ngambilor.

KASAUKAN 48:21

Indagu boo i Jakub ri Jusup, “Koson ra makito muno, patayan kuno mamaar noyo, kaa' sumbayaan kou ri Aki Kapuuno' am magibit Io saguli' rirun ra pagun ru kinamatuaan muno.

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

1 RAJA'-RAJA' 21:26

Nambaal Raja' Agab ra tula ondo' malaat kaga', sabap ra siminamba io ra sinungkalalaing koson ra binaal ru ulun ru Amori, ondo' pinagiru' ru Tuhan paat ra ulun ru Israil nangayan ra tana' ti ragili.)

2 RAJA'-RAJA' 21:11

“Raja' Manasi nambaal ra baal-baal ondo' majaka', ondo' majaka' poyo intor ra binaal ru ulun ru Kanaan. Ra ondo' sinungkalalaing nano, nangkinibit io ra mamagun ru Jiuda makatula.

MAZMUR 105:43

Ginio niayuk ra Io naningganai ra ulun pinili' Nano mingkual; maririmbai ilo maansukan am magitapap ra longon.

KAINGKUALAN 12:40

Buoi ru ulun ru Israil minayan ra Misir 430 ngambilor.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:4

Nangiruan kau ra Misir ra orou raiti', paat ra bulan Abib, iono bulan ra kasaa'.

DANIL 8:23

Paat ra karatuan ru kaapat-apat pamarintaan no mamaar noyo saboi musiti' ukumin, am kalaatan ra giu' no liminanja', sumalula' boo sangulun raja' ondo' bambalingatan, malaat am mamparuung.

IMAMAT 18:24

Pai' jamali' inan mino ra baal raginio. Kon noyo ginio bansa' raginilo ondo' minayan ra pagun Kanaan ra kalo poyo akau, napajamol noyo ra inan nilo. Ginio sabap ra napagiru' Tuhan risilo maa' raginio makaayan kau giu' ra pagun no.

SAGULION 9:4

Mopongo Tuhan i Aki Kapuuno' min nampagiru' risilo ra bala min, pai' indagu ra akau galama' ra magibit Io ramuyun mongoi ra tana' raginio koson mangalap ra tana' no sabap maaya' kau. Sala' ka koson raginio! Mampagiru' Tuhan ra bansa'-bansa' no ra tayar min sabap malaat ilo.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.