KASAUKAN 15:1 - Tanou Moonsoi Timugon

¹ Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 15:1 ပူးပေါင်းရင်းမြစ်များ

KASAUKAN 15:2

Kaa' taam i Abram, “Iou Tuhan Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

KASAUKAN 15:4

Naining poyo ri Abram ragu ru Tuhan, “Ulipon raginio kalo makapanungkus ra rapu' muno; Anak ungkuyon muno galama' ondo' manungkus.”

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 22:20

Kukula' buoi raginio naala' i Abragam ra i Milka andu' ri Nagor, pongkotob ungkuyon nano naganak balu' ngaulun anak ungkuyon;

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 31:7

Kaa' rinuung no aku am kinulau no gaji' kuno saboi inggopor. Kaa' kalo pinoloso ri Aki Kapuuno' io lumaat raki'.

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

2 RAJA'-RAJA' 1:15

Paat raginio niayuk malaikat ru Tuhan mindagu ri Ilia, “Tuun no mabaya' riso, am pai' kalaa'.” Ginio ra ongoi i Ilia nabaya' ra pagawai no, am uma' ra raja'.

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

MAZMUR 115:10

Pangintopot no ra Tuhan, akau imam ri Aki Kapuuno'. Io no mangindangan am manindung ramuyun.

MAZMUR 119:114

Okou noyo manungka' am manindung raki'; malansan aku ra bantu' Muno.

MAZMUR 142:5

Ilain ku pangkiing kuno, kolondo' sangulun pana makapangindangan raki'; kolondo' sangulun pana makapanindung raki'. Kolondo' sangulun pana mampalio raki'.

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 3:3

Mangalimut ilo am mindagu, “Kalo mangindangan i Aki Kapuuno' riso!”

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.

MAZMUR 5:12

Gama' ru ngaangai' ulun ondo' siminindung Rirun no maansukan; am sabubuoi no marimbai ra maansukan. Sindungi' noyo ilo ondo' monogom Rirun, maa' raginio maansukan ilo kaga' sabap ra Okou.

MAZMUR 58:11

Paat magilong ra ulun makatula ukumin, ulun mapintar maansayan, am mambagu' ra kalayam ra raraa' ru ulun nausung.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 84:9

Rongogo' noyo pakiasian kuno, iou Tuhan i Aki Kapuuno' Ondo' Maayo Kaga' Kuasa'; rongogo' noyo, iou i Aki Kapuuno' ri Jakub.

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

AMSAL 11:18

Ulun malaat kalo makaalap ra kaulian ra sotopot no; kaa' ulun mambaal ra moonsoi kaulian nano motopot.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 40:10

Tuhan Raja' matong koson mamarinta am makakuasa', Ibiton No ulun ondo' binayag Nano.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JISAYA 43:5

Pai' kalaa', sabap ra Aku mabaya' ramuyun. Intor ra sirangon am kalasaan ibiton Ku anak am akupu mino muli'.

JISAYA 44:2

Aku noyo Tuhan ondo' namangun ramuyun, ondo' nambaal ramuyun intor poyo ra akau tininai', am Aku mangindangan ramuyun. Pai' noyo kalaa'; akau ulipon Kuno, ulun pinili' Kuno ondo' tagamin Kuno.

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JIRIMIA 39:17

Kaa' Aku, Tuhan manindung rirun, am kalo pataakon kou ra ulun ondo' kalaanin muno.

SULABOI 3:24

Tuhan ayuk soroi raki', ginio ra malansan aku Riso.

YEHEZKIEL 1:1

Paat orou kalimo ra sila' kaapat ralalom ru bilor katalu ngoopor, aku Imam Yehezkiel anak ri Busi, soroi giu' ra kiing ru Sungoi Kibar ra Babilonia nababaya' ra ulun ru Jaudi ra pinatiran. Bulintok raginio limbowon naukab am nakaalap aku ra rondo' pinaintalang intor ri Aki Kapuuno'. (

YEHEZKIEL 11:24

Ralalom ru pinaintalang no, nangkayang Ambiluo ri Aki Kapuuno' raki' am nagibit raki' saguli' ra intok ru ulun pinatiran giu' ra Babilonia. Pinaintalang no pana liminiot boo,

YEHEZKIEL 3:4

Indagu boo i Aki Kapuuno', “Okou ulun mapandai matoi, ongoi no ra ulun ru Israil am posoboyo' ngaangai' ragu Kutu risilo.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

UNTABAN 18:20

Indagu Tuhan ri Arun, “Kalo makaalap kou ra atan pana rapu' koson ra tungkuson. Kolondo' tayar ru tana' giu' ra Israil masauk ra longgom muno. Aku Tuhan noyo tungkuson muno.”

UNTABAN 24:4

sangulun ondo' riminongog ra ragu ri Aki Kapuuno'. Nakito ku pinaintalang intor ri Aki Kapuuno' Ondo' Maayo Kaga' Kuasa', liliwa' naaba', kaa' ra nasingkarat mato.

MATIUS 28:5

Indagu malaikat no ra ruandu'-ruandu' no, “Pai' kau kalaa'! Nakapandai aku maguyum kau ri Jisus ondo' sinalip i.

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:30

Indagu poyo malaikat riso, “Maria, pai' kalaa', sabap ra maansayan i Aki Kapuuno' no rirun.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

1 KORINTUS 3:22

Aku, i Apolos, am i Pitrus pana pinataak noyo ramuyun. Am niayuk tana' ti, kaayagan kapoam kapatayan, am poyo paat ra raino ti am paat ra orou matong pana. Ngaangai' no akau noyo tatangan.

SAGULION 18:2

Ondo' apuon nilono iono tungkuson nilo, koson ondo' binantu' noyo ru Tuhan. Ginio sabap ra kalo makaalap ilo ra tana' koson ra bansa'-bansa' ra bokon no.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

RUT 2:12

Gama' ru balasin ru Tuhan nansalinut kaansayan muno. Gama' ru apuon mu atan ayuk pana ondo' taakin rirun ru Tuhan, i Aki Kapuuno' ru Israil sabap ra minatong kou koson siminindung Riso!”

1 SAMUIL 15:10

Indagu Tuhan ri Samuil,

1 SAMUIL 9:9

Taam i Saul, “Iou noyo! Ongoi tano.” Ongoi ilo boo ra bandar, intok inayanan ru ulipon ri Aki Kapuuno' no. Paat ilo nangkiwa' ra bulur sumuku' ra bandar no, nakatuum ilo ra kukula' ngaulun ralaa ondo' mongoi pansagou giu' ra tulubong. Kuati' nilo ralaa-ralaa no, “Mokoondo' kia ulun mangilong soroi ra bandar ti?” (Paat raginio, sangulun nabi sabiton ra ulun mangilong. Ginio ra paat sasangulun masaga' mangkuot ra rorondo' ri Aki Kapuuno', mindagu ilo, “Ongoi takau ra ulun mangilong.”)