KASAUKAN 14:22 - Tanou Moonsoi Timugon

²² Taam i Abram, “Magibot aku ra saang ru Tuhan i Aki Kapuuno' Ondo' Masawat Kaga' no, napasauk ra limbowon am tana' ti,

KASAUKAN 14:22 ပူးပေါင်းရင်းမြစ်များ

KASAUKAN 14:21

Indagu Raja' Sodom ri Abram, “Alapo' kuliamos inalap no kaa' parulio' raki' ngaangai' ulun kuno.”

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 21:33

Pantanom boo i Abragam ra puun tamariska ra Birsyiba am intok sambaan nano ra Tuhan i Aki Kapuuno' ondo' mantilayun.

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

2 SAMUIL 2:5

nangator Raja' Daut ra ulun sinusub ra giu' no nabaya' ra bilin, “Gama' ru Tuhan no mambarakat ramuyun sabap ra napakito ra gagaya' min ra raja' mino ra linobong baangkai nano.

2 RAJA'-RAJA' 5:16

Kaa' kon ri Ilisa, “Ralalom inggalan ru Tuhan ondo' maayag ondo' pangandayan kuno ayuk, magibot aku ra kalo mangapu aku ra tangguang ra atan pana.” Nampajajal i Naaman ri Ilisa maa' raginio apuon no, kaa' marara' i Ilisa.

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

MAZMUR 144:11

Bayago' aku intor ra ilang ru ulun malaat kaga', am palabuso' aku intor ra kuasa' ru ulun suai, ondo' masalok magabau am mamparuung, am magibot ondo' kalo motopot.

MAZMUR 144:8

ondo' masalok magabau am mamparuung, am mampator ondo' kalo motopot.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

KAINGKUALAN 6:8

Magibit Aku ramuyun mongoi ra pagun ondo' binantu' Kuno ra ibot koson pataakon Ku ri Abragam, ri Isak am ri Jakub. Mapataak Aku ra tana' no ramuyun ra longgom min. Aku noyo Tuhan.’ ”

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

AGAI 2:8

Ngaangai' mas am pirok ra tana' ti longgom Kuno.

SAGULION 10:14

Limbowon ondo' masawat kaga' pana Tuhan tatangan; tana' ti am ngaangai' ondo' soroi ra rasawat no niayuk Io tatangan.

SAGULION 32:40

Sabap ra Aku galama', i Aki Kapuuno' ondo' naayag, mangakat Aku ra kalindu' am mampator

TINGGANAI RU BANSA' 11:35

Paat nakito ri Jipta anak nano, rinilak-rilak no bayang nano sabap mangiluk guang. Kono, “Alii ra anak kuno, natutuk guang kutu! Kua kia ra anak kutu ondo' maparuol ra guang kutu? Nagibot aku noyo ra Tuhan am kalo malugut ku bantu' kuno!”