KASAUKAN 14:19 - Tanou Moonsoi Timugon

¹⁹ Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 14:19 ပူးပေါင်းရင်းမြစ်များ

KASAUKAN 14:22

Taam i Abram, “Magibot aku ra saang ru Tuhan i Aki Kapuuno' Ondo' Masawat Kaga' no, napasauk ra limbowon am tana' ti,

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 27:4

Ansaki' aku ra akanon maamis koson ra akanon kasuungan kuno, am ibito' raki'. Makaakan aku ra akanon no, barakaton tokou ra aku kalo poyo matoi.”

KASAUKAN 47:10

Anii' ri Jakub raja' no ra barakat pantuliaran am ugar.

KASAUKAN 47:7

Pauligo' niayuk ri Jusup ama' nano ra raja'. Pambarakat i Jakub ra raja',

KASAUKAN 49:28

Ginii noyo koopor am ruo tayar ru bansa' ru Israil, am ginii noyo rinagu ru ama' nilono paat ra io namulintor indagu ra anak-anak ungkuyon nano.

2 SAMUIL 2:5

nangator Raja' Daut ra ulun sinusub ra giu' no nabaya' ra bilin, “Gama' ru Tuhan no mambarakat ramuyun sabap ra napakito ra gagaya' min ra raja' mino ra linobong baangkai nano.

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

2 TUNUNG RU BANSA' ISRAIL 31:8

Paat ra Raja' Gijkia am pagawai-pagawai nakakito ra mapara' boo suang ru taak ondo' tinaakan no, nongompor ilo ra Tuhan am nongompor ra ulun Nano, ulun ru Israil.

MAZMUR 115:15

Gama' ru barakaton kau ru Tuhan, ondo' namangun ra limbowon am tana' ti.

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 50:10

sabap ra bibiag ra kataunan longgom Kuno, am niayuk sapi' giu' ra tampak ru riribu bulur.

MIKA 6:6

Atan nua' pataakon kuno ra Tuhan, i Aki Kapuuno' giu' ra suruga', paat ra aku matong sumamba Riso? Musiti' kia magibit aku ra anak ru sapi' ondo' moonsoi toojo am solobon io koson ra taak simbalui pataakon Riso?

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MARKUS 10:16

Kopongo minindagu, ganggali' ri Jisus lalaing-lalaing no, am pabantaa' kalindu' Nano risilo koson mambarakat risilo.

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

RINALATAN 16:17

Minaya' io ri Paulus am akai am nompogolok io, kono, “Ulun ragitilo noyo ulipon ri Aki Kapuuno' Ondo' Masawat Kaga'! Minatong ilo ragiti mambala' ramuyun ra ati kulaan akau bayagon ri Aki Kapuuno'!”

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

SAGULION 10:14

Limbowon ondo' masawat kaga' pana Tuhan tatangan; tana' ti am ngaangai' ondo' soroi ra rasawat no niayuk Io tatangan.

RUT 3:10

“Mambarakat Tuhan rirun,” kon ri Boas. “Ra binaal mutu, napakito kou ra gagaya' ondo' maayo poyo intor ra atan ondo' binaal mu noyo ra iwan muno. Sotopot no makauyum kou ra sangulun buayoi, ondo' langkaya' kapoam ondo' musikin. Kaa' kalo binaal muno ginio.

1 SAMUIL 15:13

Pakatuum i Samuil ra Raja' Saul, kon ru Raja' Saul riso, “Gama' ru mambarakat Tuhan ri Samuil. Sinugut ku noyo susuban ru Tuhan.”