KASAUKAN 14:17 - Tanou Moonsoi Timugon

¹⁷ Kopongo i Abram nangala ra Raja' Kidorlaomir am pantutuluk nano, saguli' io. Uma' boo raja' Sodom ri Abram giu' ra Limayak Syawi ondo' sabiton niayuk ra Limayak Raja'.

KASAUKAN 14:17 ပူးပေါင်းရင်းမြစ်များ

2 SAMUIL 18:18

Buoi ri Absalom naayag, nanirong io ra rondo' batu pangkaraan nano galama' giu' ra Limayak Raja', sabap ra kolondo' io ra anak ungkuyon koson manungkus ra papag nano. Ininggalanan no batu pangkaraan no sumugut ra inggalan nano galama'. Saboi ra orou raiti' batu pangkaraan no nauligan ra Batu Pangkaraan ri Absalom.

IBRANI 7:1

Ra galing i, i Milkisidik ti raja' ru bandar Salim am poyo sangulun imam ri Aki Kapuuno' Ondo' Masawat Kaga'. Pakauli' noyo i Abragam intor ra pangayawan ra io nangala ra apat ngaulun raja', inuma' am barakato' io ri Milkisidik ti.

AMSAL 19:4

Ulun langkaya' magail makaalap ra rangan bagu, kaa' ulun musikin iruanin ru rangan.

AMSAL 14:20

Ulun musikin kalo kasagain mulu' ra paginggaar nilo galama', kaa' ulun langkaya' masuang rangan.

1 SAMUIL 18:6

Pakasaguli' i Daut, kalupus nangala ri Goliat ulun ru Palistin no, am baris saujor-saujor minumpos ra ralalom ru bandar, bala ru ruandu' miningkual intor ra ngaangai' bandar giu' ra Israil koson manguma' ra Raja' Saul. Naririmbai ilo ra rimbai kaansukan liliwa' nansasayau am nangkuli ra tamburing am jitor.

TINGGANAI RU BANSA' 11:34

Paat i Jipta sumaguli' ra Mijpa, ratong anak ruandu' nano manguma' riso, liliwa' mansayau am mangkuli ra tamburing. Io anak langkuir ri Jipta.

KASAUKAN 14:1

Mokoondo' apat ngaulun raja', iono: Raja' Amrapil intor ra Babilonia, Raja' Ariok intor ra Ilasar, Raja' Kidorlaomir intor ra Ilam am Raja' Tidial intor ra Goyim nangayou ra limo ngaulun raja' ra bokon, iono: Raja' Bira intor ra Sodom, Raja' Birsya intor ra Gomora, Raja' Syinab intor ra Adma, Raja' Simibir intor ra Jiboim am raja' intor ra Bila ondo' sabiton niayuk ra Joar.

KASAUKAN 14:5

Ralalom bilor koopor am apat, Raja' Kidorlaomir am pantutuluk nano minatong nababaya' ra saujor nilai am kinala nilo ulun ru Ripaim ra Asytirot-Karnaim, ulun ru Jujim ra Gam, ulun ru Imim ra Syawi-Kiryataim,

KASAUKAN 14:10

Limayak raginio nototop ra tulubong makatiir am paat ra raja' Sodom am Gomora nagiru' intor ra pangayawan no, nangaratu' ilo ra tulubong-tulubong no. Talu ngaulun raja' ra bokon no nakapagiru' giu' ra kagunungan.