KASAUKAN 14:16 - Tanou Moonsoi Timugon

¹⁶ Naalap saguli' ri Abram ngaangai' kuliamos ondo' inalap nilo am niayuk i Lot, ruandu'-ruandu' am ulun-ulun ondo' rinakop ra bokon.

KASAUKAN 14:16 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 14:14

Pakaining ri Abram ra rinakop akon nano i Lot, timungo' no ngaangai' ulun mapandai mangayou ralalom ru kim nano suang 318 ngaulun am sunuo' nilo kaapat ngaulun raja' no saboi ra bandar Dan.

KASAUKAN 50:7

Ugar boo i Jusup ongoi pompolobong ra ama' nano. Ngaangai' pagawai ru raja', ulun-ulun mangaatang lair ra pamisaraan am ngaangai' ulun maatang ru pagun ru Misir nababaya' ri Jusup.

JISAYA 41:2

Osoi kia naparatong ra mangnguasa' intor ra sirangon, am napamanang riso ra ati ayuk angayan nano? Osoi kia ondo' nangani' riso ra kamanangan ra raja'-raja' am bansa'-bansa'? Ilang nano monotok risilo, pagilayan risilo onongon ayuk ra kaau. Panah nilono mapatabulias risilo koson ra rami masiob ru angin.

1 SAMUIL 30:8

Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”