KASAUKAN 14:10 - Tanou Moonsoi Timugon

¹⁰ Limayak raginio nototop ra tulubong makatiir am paat ra raja' Sodom am Gomora nagiru' intor ra pangayawan no, nangaratu' ilo ra tulubong-tulubong no. Talu ngaulun raja' ra bokon no nakapagiru' giu' ra kagunungan.

KASAUKAN 14:10 ပူးပေါင်းရင်းမြစ်များ

KASAUKAN 19:17

Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”

KASAUKAN 19:30

Sabap ra malaa' i Lot mayan ra Joar, banding io ra kabuluran nabaya' ra karuruo ngaulun anak ruandu' nano am ayan ilo ra luang batu.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

KASAUKAN 11:3

Magindagu ilo ra rondo' am bokon, “Ibok! Pambaal takau ra batu bata' am uboon takau saboi mokotog.” Ginio boo ra makabatu bata' ilo koson pambaal nilo ra baloi am tiir koson alapon ra pomolokot.

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

JOSUA 8:24

Ngaangai' ulun ru Israil namatoi ra ngaangai' pantula' nilo giu' ra tana' mapua'. Ulun ru Israil pana siminaguli' ra bandar Ai am namatoi ra ngaangai' ulun ra giu' no.

KASAUKAN 14:3

Kalilimo ngaulun raja' no nantutuluk am pinasimpung nilo saujor nilai giu' ra Limayak Sidim, ondo' raino sabiton ra Raat Matoi.

KASAUKAN 14:9

mangayou ra raja' ondo' intor ra Ilam, Goyim, Babilonia am Ilasar, limo ngaulun raja' mangayou ra apat ngaulun raja'.

KASAUKAN 14:11

Apat ngaulun raja' ondo' nangamanang nangalap ra ngaangai' no giu' ra Sodom am Gomora am nakaaya' akanon am ilo pana minugar.

KASAUKAN 14:17

Kopongo i Abram nangala ra Raja' Kidorlaomir am pantutuluk nano, saguli' io. Uma' boo raja' Sodom ri Abram giu' ra Limayak Syawi ondo' sabiton niayuk ra Limayak Raja'.

KASAUKAN 14:21

Indagu Raja' Sodom ri Abram, “Alapo' kuliamos inalap no kaa' parulio' raki' ngaangai' ulun kuno.”