KASAUKAN 14:1 - Tanou Moonsoi Timugon

^1-2 Mokoondo' apat ngaulun raja', iono: Raja' Amrapil intor ra Babilonia, Raja' Ariok intor ra Ilasar, Raja' Kidorlaomir intor ra Ilam am Raja' Tidial intor ra Goyim nangayou ra limo ngaulun raja' ra bokon, iono: Raja' Bira intor ra Sodom, Raja' Birsya intor ra Gomora, Raja' Syinab intor ra Adma, Raja' Simibir intor ra Jiboim am raja' intor ra Bila ondo' sabiton niayuk ra Joar.

KASAUKAN 14:1 ပူးပေါင်းရင်းမြစ်များ

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

KASAUKAN 10:22

Anak-anak ungkuyon ri Siim iono i Ilam, Asyur, Arpaksad, Lud am i Aram, ilo ti noyo kinamatuaan ru ondo' namakai ra inggalan nilo.

KASAUKAN 11:2

Paat ilo minanding tampilon ra sirangon, nakatuum ilo ra tana' limayak ra Babilonia am pamagun ilo ra intok raginio.

KASAUKAN 14:9

mangayou ra raja' ondo' intor ra Ilam, Goyim, Babilonia am Ilasar, limo ngaulun raja' mangayou ra apat ngaulun raja'.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 22:6

Ulun ru Siria minatong kiminura' ra kuda am kurita' kuda, ulun ru Ilam nananggal ra panah am tanggayan no, am ulun ru Kir tumampos magibit ra ampin.

JISAYA 37:12

Kinamatuaan kuli namuso ra bandar Gojan, Aran, am Rijip, am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilono nakapamayag risilo.

YEHEZKIEL 32:24

“Soroi i Ilam ra giu', liniputan ru lobong-lobong ru saujor nano. Ilo ngaangai' minatoi ralalom pangayawan, am timinuun ra intok ru ulun minatoi ra kalo nakaulig ri Aki Kapuuno'. Bulintok naayag, nampatabual ilo mampalalaa' ra gino ngai' ru ulun, kaa' raino minatoi ilo am nansaan ra uyu'.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

JAKARIA 5:11

Taam io, “Inibit nilo io ra Babilonia, am nambaal riso ra kuil ra giu' no. Paat mopongo kuil no, paayanon bakul no ra giu' no koson sambaan.”

JOSUA 12:23

Dor (giu' ra kiing ru nagas), Goyim (giu' ra Galilia)