KASAUKAN 13:8 - Tanou Moonsoi Timugon

⁸ Indagu i Abram ri Lot, “Ito ti mabukat, kalo moonsoi amon ru mansasangor ulun-ulun muno am ulun-ulun kuno.

KASAUKAN 13:8 ပူးပေါင်းရင်းမြစ်များ

KASAUKAN 13:9

Ginio poyo moonsoi pantuliar to. Pilio' noyo ati paatan ondo' kasagaan muno ra tana' ragitio. Amon ru mongoi kou tampilon ragiti, mongoi aku tampilon ra bokon.”

KASAUKAN 14:14

Pakaining ri Abram ra rinakop akon nano i Lot, timungo' no ngaangai' ulun mapandai mangayou ralalom ru kim nano suang 318 ngaulun am sunuo' nilo kaapat ngaulun raja' no saboi ra bandar Dan.

KASAUKAN 45:24

Pintari' ilo ri Jusup, am tatanga' ilo mugar, indagu i Jusup risilo, “Pai' kau pansasangor ra pangkiralanan.”

KASAUKAN 46:34

balai' min ra magagalung ra biniag ayuk kaayagan mino mogondo' ra kinamatuaan mini. Intor raginio, susubon kau boo mayan ra libung ru Gosyin.” Rinagu ri Jusup ginio sabap ra ulun ru Misir maasaban ilo amon ru sumimpung ra magagalung ra biniag.

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

KAINGKUALAN 2:13

Suabon ragili ongoi poyo i Musa ra giu' no, kakito no boo ruo ngaulun Ibrani mansangor. Kuati' ri Musa ulun ondo' makasala no, “Kua lambaa' mu ulun ondo' mogondo' ra bansa' muno galama'?”

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

AMSAL 15:18

Ulun mataki' sumangit mapalabui ra pansangaran, kaa' ulun ra mosorot guang maparatong ra pababansayan.

AMSAL 20:3

Ulun sasambungon ayuk masaga' mantataam; paliso ra omporon ioginio minggalur ra pantataaman.

MATIUS 5:9

Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

RINALATAN 7:26

Iosuabon, pakakito io ra ruo ngaulun ru Israil nansangor am kinami' no ilo sawayo'. Kono risilo, ‘Akau ti mabukat. Kua malaat kau ra rondo' am bokon?’

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 2:17

Urumato' noyo ngaangai' ulun am tagami' noyo pabukat mino ra Kristian. Kalaa' kano ri Aki Kapuuno' am urumato' noyo i Kaisar.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

1 JUANIS 4:7

Pabukat kau ngaangai' ondo' tagamin ku! Kotogom kano ra rondo' am bokon, sabap ra togom ti intor ri Aki Kapuuno'. Ulun ondo' motogom, io no anak ri Aki Kapuuno' am nakaulig io ri Aki Kapuuno'.

TINGGANAI RU BANSA' 9:26

Paat raginio, minanding i Gaal anak ri Ibid ra Sikgim nababaya' ra pabukat-pabukat nano. Mamagun ru Sikgim mangintopot riso.