KASAUKAN 13:7 - Tanou Moonsoi Timugon

⁷ Kasauk boo pansasangaran ru magagalung ra domba ri Abram am magagalung ra domba ri Lot. (Paat raginio ulun ru Kanaan am ulun ru Piris lakat poyo mayan ra tana' raginio).

KASAUKAN 13:7 ပူးပေါင်းရင်းမြစ်များ

KASAUKAN 10:19

polos ra balitan ru pagun nilo am sayat poyo intor ra Sidon tampilon rabugus mongoi ra Girar saboi mamaar ra Gaja am tampilon sirangon mongoi ra Sodom, Gomora, Adma am Jiboim saboi mamaar ra Lasa.

KASAUKAN 12:6

liputo' ri Abram tana' raginio saboi io nakasuku' ra puun matulai giu' ra Mori, iono intok sambayangan giu' ra Sikgim. (Paat raginio ulun ru pagun ru Kanaan lakat poyo minayan ra tana' raginio).

KASAUKAN 21:25

Kaa' panguang i Abragam ri Abimilik ra tulubong ondo' ginaau ru ulipon ru Raja' Abimilik.

KASAUKAN 26:20

Kaa' ulun magagalung ru bibiag ra bandar Girar makimansangor ra ulun magagalung ru bibiag ri Isak, konilo, “Akai ra timug ti.” Ginio ra inggalani' ri Isak tulubong raginio “Pansangaran”.

KASAUKAN 34:30

Indagu i Jakub ri Simion am i Liwi, “Napakapagon kau raki'. Raino ulun ru Kanaan, ulun ru Piris am ngaangai' mamagun ru pagun ragitio mangasisang raki'. Ulun takati kalo masuang, amon pantutuluk mamagun no koson gula' am bulunsar raki', itakau sasambaloi ti maluus.”

KASAUKAN 46:34

balai' min ra magagalung ra biniag ayuk kaayagan mino mogondo' ra kinamatuaan mini. Intor raginio, susubon kau boo mayan ra libung ru Gosyin.” Rinagu ri Jusup ginio sabap ra ulun ru Misir maasaban ilo amon ru sumimpung ra magagalung ra biniag.

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.

KAINGKUALAN 2:17

Kaa' ratong kukula' ngaulun magagalung am pagiruo' nilo tulu' ngaulun ralaa no. Indangano' boo ri Musa ralaa-ralaa no am painumo' bibiag tinambiag nilo.

AMSAL 20:3

Ulun sasambungon ayuk masaga' mantataam; paliso ra omporon ioginio minggalur ra pantataaman.

MARKUS 3:25

Amon ru sambaloi mantutuliar am mantutula', sambaloi raginio maaru' mabintas ilo.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

1 TISALONIKA 4:12

Amon ru kaayagan min koson noyo raginio, kalo pana boo lumansan kau ayuk ra bokon, am ilo ondo' kalo mangintopot ri Kristus pana mangurumat boo ramuyun.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

JAKUBUS 3:16

Ati ayuk mokoondo' ra ulun magusolon kapoam maguyum ra kaatangan galama' ayuk, giu' no niayuk mokoondo' boo pagugulaan am poyo nansalinut sauk malaat.

JAKUBUS 4:1

Atan kia puun ru pantataaman am pansangaran min? Sala' ka kia ginio intor ra kasagaan ru guang malaat min ondo' masalok mantipagon ramuyun.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.