KASAUKAN 13:18 - Tanou Moonsoi Timugon

¹⁸ Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 13:18 ပူးပေါင်းရင်းမြစ်များ

KASAUKAN 13:4

am nambaalan nano ra altar. Ginio noyo intok nano siminamba ra Tuhan.

KASAUKAN 14:13

Kaa' sangulun ondo' nakapagiru' am minongoi pambala' ra ngaangai' no ri Abram, ulun ru Ibrani no. Minayan i Abram maar ra puun-puun matulai, longgom ri Mamri ulun ru Amori. I Mamri am pabukat-pabukat ungkuyon nano, i Iskol am i Anir rangan pagamung ri Abram.

KASAUKAN 18:1

Minintalang Tuhan ri Abragam maar ra puun-puun matulai giu' ra Mamri. Nakapaat ra mapangit toojo orou am nanturung i Abragam ra kulobon ru kim nano.

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 23:2

Intok pinatayan nano Gibron ra tana' ru Kanaan. Nangulir i Abragam ra pinatayan ru andu' nano.

KASAUKAN 26:25

Pambaal boo i Isak rondo' altar ra giu' no, am samba ra Tuhan. Pangkim i Isak ra giu' no am pangkali ulipon-ulipon nano ra tulubong ra bokon.

KASAUKAN 35:27

Minongoi i Jakub tuum ri Isak, ama' nano giu' ra Mamri mamaar ra Gibron. Giu' no intok namagunan ri Abragam am i Isak ra galing i.

KASAUKAN 37:14

Indagu ama' nano, “Ongoi ilai' ru mongoonsoi ayuk kia pagaka'-pagaka' muno am biniag no, am saguli' pambala' raki'.” Ginii noyo napaugaran ru ama' nano ri Jusup intor ra Limayak Gibron. Pakasuku' i Jusup ra Sikgim,

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

2 SAMUIL 2:1

Kopongo raginio pangkuot i Daut ra Tuhan, “Masaga' kia Tuhan ra ongoyon ku kuasaa' rondo' ra bandar giu' ra Jiuda no?” Taam Tuhan, “Iou.” Pangkuot i Daut, “Ati kia ra bandar?” Taam Tuhan, “Gibron.”

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

IBRANI 11:9

Sabap ra pangintapatan poyo, minayan io koson ra sangulun bansa' ru bokon giu' ra sampagunan ondo' binantu' riso i. Minayan io ra kim ayuk mogondo' ra anak nali i Isak am akupu nali i Jakub. Ilo pana nakaapu ra bantu' nogondo' naapu ri Abragam i.

JOSUA 14:13

I Josua nambarakat ri Kalib anak ri Jipuni am nanaak riso ra bandar Gibron koson longgom nano.

JOSUA 15:13

Koson ra nanusuban ru Tuhan ri Josua, santayaran intor ra wilayah Jiuda tinaakan ri Kalib anak ri Jipuni. Nakaalap i Kalib ra bandar Gibron, longgom ri Arba, iono ama' ri Inak.