KASAUKAN 13:10 - Tanou Moonsoi Timugon

¹⁰ Pulolowo' boo ri Lot liliut am kaimpal no titikop limayak Jordan saboi ra bandar Joar am makamasuang timug koson ra Taman ru Tuhan kapoam koson ra tana' ru Misir. (Ginio noyo baal ra io kalo poyo pinuso ru Tuhan bandar Sodom am Gomora.)

KASAUKAN 13:10 ပူးပေါင်းရင်းမြစ်များ

SAGULION 34:3

tayar rabugus ru Jiuda; am tana' marata' intor ra Joar saboi ra Jiriko, bandar ru puun kurma.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

KASAUKAN 14:8

Kopongo raginio raja' ondo' intor ra Sodom, Gomora, Adma, Jiboim am Bila napatampos ra suang ru saujor nilo ra Limayak Sidim,

JOIL 2:3

Koson ra apui ondo' sumolob am mangumpo, sampanon ru gapu' mangakan ra ngaangai' tinanom. Giu' ra saang ru sampanon ru gapu', padang moonsoi koson ra taman Idin. Kaa' giu' ra talikuron ru sampanon ru gapu', padang no nasauk noyo ra tana' mapua'. Ngaangai' no pinuso ru gapu'.

YEHEZKIEL 28:13

Minayan kou giu' ra taman Idin, taman ri Aki Kapuuno'. Bayang muno binungaan ra ngaangai' salinut ru batu mologo: dalima', intan, topaj, biril, sardis, jaspir, nilam, jamrud am garnit. Mokoondo' kou niayuk ra limpor mas ondo' binaal ra tayar muno paat ra okou inangun.

1 RAJA'-RAJA' 7:46

Topot koson ra susuban ru raja', ngaangai' kakamot no binaal giu' ra pambaalan ra basi' lolot ru Sukot am Sartan, giu' ra Limayak Jordan.

YEHEZKIEL 31:8

Kolondo' puun tataun sidar giu' ra taman ri Aki Kapuuno', ondo' mokogondo' ra puun tataun no. Kolondo' puun tataun fir ondo' makaraan koson ra raan nano. Kolondo' puun tataun berangan ondo' makapango koson ra pango nano. Kolondo' puun giu' ra taman ri Aki Kapuuno' ondo' koson ra bonsoi ru puun raginio.

JIRIMIA 48:34

“Mamagun ru bandar Gisybon am Iliali mantangi' saboi tangi' nilo morongog giu' ra Jagas, am niayuk norongog ru ulun intor ra Joar saboi ra Oronaim am Iglat-Silisia. Sungoi Nimrim pana nalasakan noyo.

JISAYA 15:5

Makaasi' Aku ra Moab. Mamagun nano nagigiru' giu' ra Joar am Iglat-Silisia. Mokoondo' nagaloi ra ralan mongoi ra Lugit liliwa' mantangi'. Mokoondo' niayuk nagiru' giu' ra Oronaim liliwa' mompogolok am mangiluk sabap ra nalumpa' ru karaat.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 11:27

Gitio noyo papag ri Tirag: I Tirag ama' ri Abram, Nagor am i Aran. I Aran ama' ri Lot.

KASAUKAN 13:9

Ginio poyo moonsoi pantuliar to. Pilio' noyo ati paatan ondo' kasagaan muno ra tana' ragitio. Amon ru mongoi kou tampilon ragiti, mongoi aku tampilon ra bokon.”

KASAUKAN 13:11

Pupus no nampili' i Lot ra ngaangai' limayak Jordan koson ra io galama' tatangan am ongoi io boo tampilon ra sirangon. Ginio noyo baal nilo ruo nantuliar.

KASAUKAN 47:6

baalo' min tana' ru Misir ti koson akau ra ampu' raino. Polosoon ilo noyo mayan ra libung ru Gosyin, libung ondo' moonsoi kaga' ra pagun ru Misir ti. Amon ru mokoondo' matasik risilo no, paalungin ku biniag kuno galama'.”

AYUP 40:23

Aug ru Sungoi Jordan ondo' maaug kalo malaa' io, timug ondo' makatiu' ra bulos nano umaan no ra guang mamaan.

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 31:9

Aku noyo nampasauk riso moonsoi, am raan ondo' masuang. Moonong puun tataun giu' ra Idin, taman ri Aki Kapuuno', moogot masauk koson riso.

YEHEZKIEL 47:18

Balitan giu' ra sirangon mongoi ra rabugus, intor ra rondo' intok lolot ru pamarintaan Damsyik am pamarintaan Gauran. Sungoi Jordan noyo balitan ru tana' Israil tampilon ra kalasaan, am Giliad tampilon ra sirangon, saboi ra bandar Tamar giu' ra nagas ru Raat Matoi.