KASAUKAN 12:7 - Tanou Moonsoi Timugon

⁷ Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 12:7 ပူးပေါင်းရင်းမြစ်များ

KASAUKAN 12:8

Io pana namparayus poyo ra pangkiralanan mongoi ra tampilon rabugus ra kabuluran tampilon sirangon ru bandar Bitil. Pangkim io boo ra lolot ru Bitil am bandar Ai. Bitil tampilon kalasaan am Ai tampilon sirangon. Giu' no niayuk nambaal i Abram ra altar am samba ra Tuhan.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 13:17

Raino, ongoyo' liputo' titikop intok ra tana' ragitio sabap ra pataakon Ku noyo ngaangai' rirun.”

KASAUKAN 13:18

Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 13:4

am nambaalan nano ra altar. Ginio noyo intok nano siminamba ra Tuhan.

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 17:3

Igulatur i Abram am indagu boo i Aki Kapuuno',

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 18:1

Minintalang Tuhan ri Abragam maar ra puun-puun matulai giu' ra Mamri. Nakapaat ra mapangit toojo orou am nanturung i Abragam ra kulobon ru kim nano.

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 26:25

Pambaal boo i Isak rondo' altar ra giu' no, am samba ra Tuhan. Pangkim i Isak ra giu' no am pangkali ulipon-ulipon nano ra tulubong ra bokon.

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 32:30

Indagu i Jakub, kono, “Nakauma' aku noyo ri Aki Kapuuno', am maayag aku poyo.” Ginio ra inggalani' ri Jakub intok raginio Piniil.

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

KASAUKAN 35:12

Pagun ra nakataak Ku noyo ri Abragam am i Isak, pataakon Ku rirun am ra papag muno.”

KASAUKAN 35:7

Giu' no nambaal i Jakub ra rondo' altar, am inggalani' no intok raginio “Il-Bitil”, sabap ra minintalang i Aki Kapuuno' riso ra giu' no paat ra io nagiru' intor ra maayo nano.

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

2 SAMUIL 24:25

Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

1 RAJA'-RAJA' 18:32

Ra batu-batu raginio, i Ilia nambaal saguli' ra altar intok sambayangan ra Tuhan. Giu' ra liliut ru altar no nangkali i Ilia ra parit ondo' makapanuang ra timug suang mopor am limo ngalito.

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

1 TUNUNG RU BANSA' ISRAIL 16:18

Indagu Io, “Akau aniin Ku ra pagun Kanaan, koson masauk ra longgom tungkuson min.”

2 TUNUNG RU BANSA' ISRAIL 20:11

Raino ilai' ralan nilo mambalos ramon – matong ilo koson mapagiru' ramon intor ra tana' ondo' tinaakan Muno ramon.

2 TUNUNG RU BANSA' ISRAIL 20:7

Okou no i Aki Kapuuno' mai. Paat ra ulun Muno Israil minanding ra pagun ti, pinagiru' Mu bansa' ondo' minayan ragiti am nangani' ra tana' ti ra papag ri Abragam, rangan Muno, koson masauk ra tungkuson nilo ra sabubuoi no.

IJRA 3:2

Ginio ra i Jisua anak ri Jojadak am kukula' ngaulun imam ra bokon, i Jirubabil anak ri Sialtiil am pabukat-pabukat nano, nambaal saguli' ra altar ri Aki Kapuuno' ru Israil. Koon raginio noyo ilo nokoponolob ra taak giu' ra rasawat ru altar no sumugut ra panuluan ondo' tinulisan ra ralalom kitab ru Ukum ri Musa, ulipon ri Aki Kapuuno'.

KAINGKUALAN 17:15

Nambaal i Musa rondo' altar am inggalani' no ra “Tuhan Bandira' Kuno.”

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

KAINGKUALAN 33:1

Indagu Tuhan ri Musa, “Iruani' noyo intok ragitio mabaya' ra ulun raginilo ondo' inibit muno miningkual intor ra Misir, am ongoi noyo ra tana' ondo' binantu' Kuli ri Abragam, Isak, Jakub am papag nilo.

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

UNTABAN 26:53

“Tayaro' noyo tana' no ra bansa'-bansa' ti sumugut ra suang nilo.

UNTABAN 32:11

‘Kalo gumagaya' ulun raginio Raki'. Ginio ra mampator Aku ra kolondo' sangulun pana ondo' miningkual intor ra Misir, ondo' umur no nasailan ruo ngoopor ngambilor mokoongoi ra pagun ondo' binantu' Kuno ri Abragam, i Isak am i Jakub.’

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

GALATIA 4:28

Pabukat kau ngaangai', itakau ti anak ri Aki Kapuuno' sabap ra nabantuan Nano, nogondo' ri Isak, anak ri Sara no.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 6:10

“Nambantu' noyo Tuhan i Aki Kapuuno' min ra kinamatuaan min i Abragam, i Isak am i Jakub ra manaak Io ramuyun ra tana' ondo' mokoondo' ra bandar mangaayo am langkaya', ondo' kalo baalon min.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 22:10

Paat ra bansa' ru Rubin, Gad am Manasi Sirangon nakasaboi giu' ra Gililot, paat ra lakat poyo giu' ra tampilon kalasaan ru Sungoi Jordan, nambaal ilo rondo' altar ondo' maayo am moonsoi kaga' giu' ra igig ru sungoi no.

JOSUA 8:30

I Josua pana nambaal ra rondo' altar ru Tuhan i Aki Kapuuno' ru Israil giu' ra Gunung Ibal.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.

1 SAMUIL 7:17

Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.