KASAUKAN 12:3 - Tanou Moonsoi Timugon

³ Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 12:3 ပူးပေါင်းရင်းမြစ်များ

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 24:35

Nambarakat toojo Tuhan ra tuan kuli am pinalangkaya' No io. Tinaakan No ra tuan kuli domba, kambing, sapi', unta, kaladai, mas, pirok, ulipon ra ungkuyon am niayuk ulipon ra ruandu'.

KASAUKAN 25:11

Kopongo i Abragam minatoi, barakato' ri Aki Kapuuno' i Isak anak ri Abragam no, ondo' minayan mamaar ra tulubong ondo' sabiton ra “Io Ondo' Maayag Ondo' Magilong Raki'”.

KASAUKAN 26:29

koson okou kalo lumaat ramon am koson niayuk akai kalo lumaat rirun. Giminonsoi akai rirun am nopoloso rirun mugar ra kaansayan. Mapandayan toojo ra nambarakat Tuhan no rirun.”

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

KASAUKAN 39:5

Intor raginio, mimpuun ri Jusup, nambarakat Tuhan ra ngaangai' ulun ra baloi ru ulun ru Misir no, ngaangai' rapu' nano ondo' soroi ra baloi am ondo' soroi ra umo nano.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

KAINGKUALAN 23:22

Kaa' amon ru gumagaya' kau riso am mambaal ra ngaangai' susuban Kuno, mangayou Aku gumula' ra ngaangai' pantula' mino.

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:45

Tumaam raja' ti, ‘Balain takamin: Paat ra akau kalo nangindangan ra sangulun kalo maatang ti, ginio nogondo' ra akau marara' nangindangan Raki'.’

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.