KASAUKAN 12:2 - Tanou Moonsoi Timugon

² Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 12:2 ပူးပေါင်းရင်းမြစ်များ

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 15:5

Ibito' ru Tuhan i Abram miningkual ra liwar am indagu, “Pantingaa' ra limbowon am kinami' untobo' suang ru butitin no; makapapag kou koson ra kinasuang ru butitin no.”

KASAUKAN 17:20

Kaa' nangiou Aku noyo ra pakiasian muno ra tayar ri Ismail. Sabap raginio barakaton Ku am aniin Ku io ra papag ra masuang. Masauk Io ra kinamatuaan ru mopor am ruo ngaulun raja' am papag nano saukon Ku ra rondo' bansa' ondo' maayo kaga'.

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

KASAUKAN 24:1

Raino i Abragam ti matutuo noyo kaga' am binarakat io ru Tuhan ra atan ayuk baalon nano.

KASAUKAN 24:35

Nambarakat toojo Tuhan ra tuan kuli am pinalangkaya' No io. Tinaakan No ra tuan kuli domba, kambing, sapi', unta, kaladai, mas, pirok, ulipon ra ungkuyon am niayuk ulipon ra ruandu'.

KASAUKAN 25:11

Kopongo i Abragam minatoi, barakato' ri Aki Kapuuno' i Isak anak ri Abragam no, ondo' minayan mamaar ra tulubong ondo' sabiton ra “Io Ondo' Maayag Ondo' Magilong Raki'”.

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

2 SAMUIL 7:9

Namaya' Aku rirun ra ati ayuk inangayan muno, am nangala Aku noyo ra pantula' muno paat ra okou namulunsar. Raino mapasauk Aku rirun ra mauligan kaga' koson ra tingganai-tingganai ondo' mangauligan kaga' ra tana' ti.

1 RAJA'-RAJA' 1:47

Ra niayuk poyo, pagawai-pagawai ru istana minumpos minuma' ra Raja' Daut koson mindagu ra maringkuanang riso. Konilo riso, ‘Gama' ru i Aki Kapuuno' muno mapasauk ra Raja' Salomo no mauligan poyo kaga' intor rirun, am gama' ru langkaya' poyo intor ra pamarintaan muno.’ Kopongo raginio igugulatur Raja' Daut giu' ra intok kaalangan nano koson sumamba ra Tuhan,

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

KAINGKUALAN 1:7

Kaa' papag nilo iono ulun ru Israil, makaanak ra masuang. Siminuang ilo kaga' am suang nilo giminaai toojo ra mataki' saboi pagun ru Misir natikop nilo.

KAINGKUALAN 32:10

Raino pai' Aku ompongo'. Sumangit Aku risilo am masaga' mamuso risilo. Kaa' saukon Tokou am papag muno ra rondo' bansa' ondo' maayo.”

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

YEHEZKIEL 34:26

Mambarakat Aku risilo am mangiou risilo maayag ra libung ru bulur Kuno ondo' matulai. Giu' no mambarakat Aku risilo ra rasam bulintok ra ilo makapakuan no.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

UNTABAN 14:12

Maparatong Aku ra maruol am mamatoi risilo, kaa' mapasauk Aku rirun ra ama' ru rondo' bansa' ondo' maayo poyo am maikang poyo ka ilo!”

UNTABAN 22:12

Indagu i Aki Kapuuno' ri Biliam, “Pai' ongoi mabaya' risilo am pai' pagulas ra ulun ru Israil, sabap ra binarakat Ku noyo ilo.”

UNTABAN 23:20

Sinusub aku mambarakat; paat ri Aki Kapuuno' mambarakat, kalo masulang ku ginio.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 3:7

Intor raginio totopot akau makatutun noyo ra ulun ondo' masauk ra papag toojo ri Abragam no, ioginio ilo ondo' mangintopot ri Aki Kapuuno'.

SAGULION 26:5

Giu' boo ra saang ru Tuhan i Aki Kapuuno' min, akau musiti' mindagu ra ragu ragitio: ‘Kinamatuaan kuli sangulun Aram ondo' timinanggau. Nagibit io ra sasambaloi nano minongoi ra Misir am minayan ra giu' koson ulun bansa' ru bokon. Paat ra ilo minongoi ra giu' no, sanganu suang nilo, kaa' nasauk ilo boo ra rondo' bansa' ondo' maayo am maikang.