KASAUKAN 12:1 - Tanou Moonsoi Timugon

¹ Indagu Tuhan ri Abram, “Iruani' noyo pagun muno, matuo muno, pabukat muno am ongoi no ra pagun ondo' pataakon Kuno rirun.

KASAUKAN 12:1 ပူးပေါင်းရင်းမြစ်များ

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

KASAUKAN 20:13

Paat i Aki Kapuuno' nanusub raki' mangiruan ra baloi ru ama' kuno am mongoi ra pagun ra bokon, indagu aku ra andu' kuno, ‘Pakitono' noyo gagaya' muno raki' ra mindagu kou ra moonong ulun ra aku ti maayo muno.’ ”

KASAUKAN 24:38

kaa' intor ra pabukat ru ama' kuno. Ongoi no risilo ra mataki'.’

KASAUKAN 24:4

Musiti' kou sumaguli' ra pagun naganakan raki' i am panambili' ra anduon ri Isak anak ungkuyon kutu intor ra gino ngai' ru pabukat kuno ayuk poyo.”

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 26:2

Intalang Tuhan riso am indagu, “Pai' ongoi ra pagun ru Misir, ayan ayuk ra pagun tuluon Kuno rirun.

NIGIMIA 9:7

Iou Tuhan i Aki Kapuuno', Okou no ondo' nampili' ri Abram, am naningganai riso miningkual intor ra Ur giu' ra pagun ru Babilonia; Okou nangulau ra inggalan nano nasauk ri Abragam.

JISAYA 37:12

Kinamatuaan kuli namuso ra bandar Gojan, Aran, am Rijip, am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilono nakapamayag risilo.

JISAYA 41:9

Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

YEHEZKIEL 33:24

“Okou ulun mapandai matoi, ulun ondo' minayan giu' ra intok nalunsai ra bandar-bandar ru Israil mindagu, ‘I Abragam sangulun ayuk, am nakaalap ra titikop ru tana' ti; kaa' itakau ti masuang, am maaru' no tana' ti masauk ra longgom takau.’

UNTABAN 10:30

Taam i Gobab, “Kalo, masaga' aku sumaguli' ra namagunan kuli.”

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

PINAINTALANG 18:4

Kopongo raginio, korongog ku poyo bolos ra bokon intor ra suruga', kono, “Ulun mangintopot Raki', ingkual no intor ra bandar Babil no. Pai' kano baya' ra tula nilo am pai' baya' risilo ra maukuman poyo.