KASAUKAN 11:31 - Tanou Moonsoi Timugon

³¹ Nagibit i Tirag ra anak ungkuyon nano i Abram, akupu nano i Lot anak ri Aran am anak mangiwan ra ruandu' nano i Sarai, andu' ri Abram, nangiruan ra bandar Ur ru Babilonia, am ongoi ra pagun ru Kanaan. Kaa' pakasuku' ra Aran, pamagun ilo ra giu' no.

KASAUKAN 11:31 ပူးပေါင်းရင်းမြစ်များ

KASAUKAN 10:19

polos ra balitan ru pagun nilo am sayat poyo intor ra Sidon tampilon rabugus mongoi ra Girar saboi mamaar ra Gaja am tampilon sirangon mongoi ra Sodom, Gomora, Adma am Jiboim saboi mamaar ra Lasa.

KASAUKAN 11:32

Intok raginio pinatayan ri Tirag ra umur nano 205 ngambilor.

KASAUKAN 12:4

Paat umur ri Abram 75 ngambilor, minugar io nangiruan ra Aran sumugut ra susuban ru Tuhan riso.

KASAUKAN 12:5

Inibit ri Abram andu' nano i Sarai, akon nano i Lot, ngaangai' kuliamos am ulipon ondo' noowot nilo ra Aran am ongoi ilo ra pagun Kanaan. Pakasuku' ilo ra pagun ru Kanaan,

KASAUKAN 14:12

I Lot akon ri Abram minayan ra Sodom, io pana pinaaya' ibito' nababaya' ra ngaangai' kuliamos nano.

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

KASAUKAN 24:10

Pangalap ulipon no ra mopor ngainan unta am nansalinut poyo kuliamos mongologo ru tuan nano am ongoi ra bandar intok inayanan ri Nagor paat ra io naayag. Intok no tampilon ralayo ru Misopotamia.

KASAUKAN 24:15

Kalo poyo nopongo io makiasi', ratong i Ribika nansaan ra rarapu'. Io anak ruandu' ri Bituil anak ri Nagor am i Milka. I Nagor pongkotob ungkuyon ri Abragam.

KASAUKAN 27:43

Anak kuno, raino baalo' atan ondo' raguon kutu. Tampos noyo am ongoi ra maayo kuli i Laban giu' ra pagun ru Aran.

KASAUKAN 28:10

Iruani' ri Jakub bandar Birsyiba am ongoi ra pagun ru Aran.

2 RAJA'-RAJA' 19:12

Kinamatuaan kuli namuso ra bandar Gojan, Aran am Rijip am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilo nakapamayag risilo.

NIGIMIA 9:7

Iou Tuhan i Aki Kapuuno', Okou no ondo' nampili' ri Abram, am naningganai riso miningkual intor ra Ur giu' ra pagun ru Babilonia; Okou nangulau ra inggalan nano nasauk ri Abragam.

AYUP 1:17

Kalo poyo nakai' io mindagu, ratong poyo ulipon ra bokon am indagu, “Talu ngampulalai ulun ru Kasdim namulunsar ramon. Ginaau nilo unta-unta, am namatoi ra ngaangai' ulipon muno. Aku ayuk sangulun nakapagiru' koson mambala' rirun.”

JISAYA 37:12

Kinamatuaan kuli namuso ra bandar Gojan, Aran, am Rijip, am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilono nakapamayag risilo.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.