KASAUKAN 10:9 - Tanou Moonsoi Timugon

⁹ Nabaya' ra indangan ru Tuhan, nasauk io ra sangulun mangngayou ra moonsoi kaga'. Ginio boo ra ulun mindagu, “Gama' ru mapasauk Tuhan rirun ra sangulun mangngayou ra moonsoi kaga' koson ri Nimrod.”

KASAUKAN 10:9 ပူးပေါင်းရင်းမြစ်များ

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

KASAUKAN 10:8

I Kus makaanak ungkuyon ininggalanan ri Nimrod ondo' nasauk ra ulun kasaa' mapanggol kaga' ra tana' ti.

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 25:27

Buayoi noyo karuo ngaulun anak magapir no. Nasauk i Isau ra sangulun moporong mampalula' am masaga' mayan ra limayak kaa' i Jakub makapaliso ra moomor am morondon ayuk ra baloi.

KASAUKAN 27:30

Kopongo binarakat ri Isak i Jakub, am kakaugar ri Jakub, uli' i Isau, maayo nano intor ra nampalula'.

KASAUKAN 6:11

kaa' ngaangai' ulun ra bokon malaat ra pagilangan ri Aki Kapuuno' am makakalaatan ra ati ayuk intok.

KASAUKAN 6:4

Paat ragili am niayuk kalupus paat ragili, makaulun mangaayo am mangapanggol. Papag ilo ru ralaa ru ulun ondo' natagandu' ra ulun ru tana' ti. Ulun-ulun raginio noyo tutumula' mapanggol ondo' nangauligan kaga' paat ra galing i.

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

JISAYA 18:2

Intor ra pagun no minatong duta-duta siminakoi ra parau-parau ondo' binaal intor ra tabu am mansail ra sungoi Nil. Uli' no, alii ra ulun-ulun sinusub ra maikang! Ibito' noyo tanou ra pagun mino ondo' sailin ru sungoi-sungoi, ra bansa'-bansa' mino ondo' maikang am mapanggol, ra ulun mino ra masawat am malumis kungkung, am ondo' kalaanin ra titikop ru tana' ti.

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

YEHEZKIEL 13:18

am posoboyo' noyo atan ondo' paraguon Kuno, Tuhan Raja' risilo, ‘Aibui boo ramuyun! Nambaal kau ra golong jimat am rundung gimbaran, maa' raginio makuasa' min kaayagan ru ulun bokon. Gumogot kau manguasa' ra kaayagan patayan ru ulun Kuno koson ra kaatangan min galama'.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.