KASAUKAN 10:2 - Tanou Moonsoi Timugon

² Gitio noyo anak ri Japit, iono i Gomir, Magog, Madai, Jawan, Tubal, Misik am i Tiras.

KASAUKAN 10:2 ပူးပေါင်းရင်းမြစ်များ

KASAUKAN 10:1

Gitio noyo papag ru anak-anak ungkuyon ri Nuu, iono i Siim, Gam am i Japit. Kopongo rosob no, katatalu nilo makaanak ungkuyon.

KASAUKAN 10:21

I Siim ti maayo ri Japit, iono kinamatuaan ru ngaangai' bansa' ru Ibrani.

KASAUKAN 9:27

Gama' ru ruangin ri Aki Kapuuno' barakat Nano ri Japit am kalangkaan ayanan nano. Gama' ru papag nano masimpung mayan ra papag ri Siim. Masauk i Kanaan ra uliponon ri Japit.”

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

MAZMUR 120:5

Aku ondo' nakaaya' ra kaayagan mino mokoowot ra kapaganan, nogondo' ra kaayagan giu' ra Misik, kapoam kaayagan ru ulun Kidar!

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

YEHEZKIEL 27:7

Konoon layar ondo' nasauk ra tatandu' muno binaal intor ra linon binaal ra Misir, am mansalinut sulaman. Konoon ru kim muno binaal intor ra konoon malilis, konoon ondo' batik nano matanggilung intor ra Siprus.

YEHEZKIEL 32:26

“I Misik am i Tubal soroi ra giu', liniputan ru lobong-lobong ru saujor nilo. Ilo ngaangai' kalo nakaulig ri Aki Kapuuno', am ilo ngaangai' minatoi ralalom pangayawan. Kaa' rondo' paat ragili nampalalaa' ilo ra ulun naayag.

YEHEZKIEL 38:15

intor ra intok muno ondo' maalur giu' ra ralayo. Magibit kou ra pulalai mangkuda ondo' maayo am maikang intor ra pagun-pagun ra bokon,

YEHEZKIEL 38:2

“Okou ulun mapandai matoi, ulaso' i Gog, ulun manguasa' ra maatang kaga' ra pagun-pagun Misik am Tubal giu' ra tana' Magog. Ulaso' io

YEHEZKIEL 38:6

Ngaangai' tutumula' intor ra pagun-pagun Gomir am Bit-Togarma giu' ra ralayo pana nakaaya' saujor nano. Saujor-saujor intor ra masuang bansa' ra bokon minaya' niayuk.

YEHEZKIEL 39:1

Indagu Tuhan Raja', “Okou ulun mapandai matoi, ulaso' i Gog, ulun manguasa' kasaa' ru pagun Misik am Tubal, am balai' ilo ra Aku ti pantula' nano.

PINAINTALANG 20:8

Mongoi io pamparuung ra ngaangai' bansa' ra titikop ru tana' polos ra pagun Gog am Magog. Timungon ilo ru Tingganai ru riwato no mongoi pantula' am suang nilono mogondo' ra suang ru agis giu' ra kiing ru raat.