KASAUKAN 10:19 - Tanou Moonsoi Timugon

¹⁹ polos ra balitan ru pagun nilo am sayat poyo intor ra Sidon tampilon rabugus mongoi ra Girar saboi mamaar ra Gaja am tampilon sirangon mongoi ra Sodom, Gomora, Adma am Jiboim saboi mamaar ra Lasa.

KASAUKAN 10:19 ပူးပေါင်းရင်းမြစ်များ

KASAUKAN 10:18

ulun ru Arwadi, ulun ru Simari am ulun ru Gamati. Bansa'-bansa' ru Kanaan siminayat ra masuang intok ra maalur,

KASAUKAN 10:20

Ilo ngaangai' noyo papag ri Gam. Moonong bansa' namagun ra pagun ru sigagama' am mokoondo' ra ragu nilo galama'.

KASAUKAN 14:3

Kalilimo ngaulun raja' no nantutuluk am pinasimpung nilo saujor nilai giu' ra Limayak Sidim, ondo' raino sabiton ra Raat Matoi.

KASAUKAN 18:20

Indagu boo Tuhan ri Abragam, “Makapanguwan ra maagat kaga' ra bandar Sodom am bandar Gomora am tula nilono maayo kaga'.

KASAUKAN 20:1

Banding i Abragam intor ra Mamri ongoi ra tampilon rabugus ra tana' ru Kanaan am pamagun ra lolot ru Kadis am Syur. Kalo nabuoi raginio, paat ra io mayan ra Girar,

KASAUKAN 26:1

Giu' ra pagun no, nasauk poyo bitilan, koson nasauk ra paat ri Abragam ragili. Ongoi i Isak ra bandar Girar, tuum ra Raja' Abimilik, raja' ru ulun ru Palistin no.

2 TUNUNG RU BANSA' ISRAIL 14:12

Paat ra Raja' Asa am saujor ru Jiuda namulunsar, kinala ru Tuhan saujor ru Itiopia. Nagigiru' ilo,

2 TUNUNG RU BANSA' ISRAIL 14:13

Raja' Asa am saujor nano pana nangilou risilo saboi ra Girar. Masuang kaga' ulun ru Itiopia ondo' minatoi. Saujor ru Itiopia nasauk ra malawo saboi ilo kalo maikang am mampatoi. Kinala ilo ru Tuhan am saujor Nano. Saujor ru Jiuda nakaalap ra masuang kaga' kuliamos ginaau.

AYUP 38:20

Maalap mu kia mangaru' ra polos ru kalandaman am sinda, kapoam karuruo no atarin muli' malupus matong?

JISAYA 23:11

Palar ru Tuhan binilar no ra rasawat ru raat am mamulir ra ngaangai' pamarintaan. Nanusub Io koson mamuso ra pusor-pusor ru pangindapuan giu' ra Punisia.

JISAYA 23:4

Bandar Sidon tinauyu'! Raat malangka' am malandom kalo mangiou rirun, am mindagu, “Kolondo' anak kuno. Kalo igondo' aku napasukor ra anak ungkuyon kapoam ruandu'.”

JIRIMIA 47:1

Kalo poyo namulunsar raja' ru Misir ra Gaja, minindagu Tuhan raki' intor ra pagun ru Palistin,

YEHEZKIEL 28:21

“Okou ulun mapandai matoi, ulaso' bandar Sidon.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

RINALATAN 8:26

Mokoondo' rondo' malaikat ru Tuhan minindagu ri Pilipus, “Tampos no am ongoi ra tampilon ra rabugus, giu' ra ralan Jirusalim ondo' mongoi ra Gaja.” (Ralan i kalo boo bayain.)

SAGULION 2:23

Tana' giu' ra igig ru nagas Raat Tanga' inayanan ru ulun intor ra pulu' Krita. Namuso ilo ra ulun ru Awi, mamagun toojo ru intok raginio, am nampagaau ra titikop ru tana' ra giu' no saboi ra bandar Gaja, giu' ra tampilon rabugus.)

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

JOSUA 19:28

Ibron, Rigob, Gamon am Kana saboi ra Sidon.

TINGGANAI RU BANSA' 16:1

Sangarawan raginio minongoi i Simson ra Gaja. Giu' no nakatuum io ra sangulun ruandu' mantalan ra inan, am narulug ra ruandu' no.

TINGGANAI RU BANSA' 6:4

Nangkim ilo giu' ra pagun ru Israil am nampaluyak ra ngaangai' tatanom ra giu' saboi ra libung giu' ra liliut ru Gaja tampilon rabugus. Ginaau nilo ngaangai' bibiag tinambiag ru ulun ru Israil – domba, sapi' am kaladai. Kolondo' rondo' pana tinatang saboi kolondo' toojo akanon ru ulun ru Israil.

1 SAMUIL 13:18

sampulalai ra karuo no sumuku' ra Bit-Oron, am sampulalai ra rondo' poyo sumuku' ra balitan ondo' mongoi ra Limayak Jiboim am tana' kaagisan.