KASAUKAN 1:9 - Tanou Moonsoi Timugon

⁹ Indagu boo i Aki Kapuuno', “Moonsoi ru timug ondo' mokoondo' ra ragana' ru limbowon tumilis ra rondo' intok saboi tana' ti makito ra mapua'.” Baal raginio pana nasauk.

KASAUKAN 1:9 ပူးပေါင်းရင်းမြစ်များ

KASAUKAN 1:8

Inggalani' No pambakuran no “limbowon”. Kopongo molondom, masauk boo susuab. Ginio noyo orou ondo' karuo.

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AYUP 26:10

Pinatuliar No sinda intor ra kalandaman am mapungol ra linukis giu' ra ralimbou ru raat.

AYUP 26:7

Biningkal ri Aki Kapuuno' limbowon ru ralayo, am nampatair ra tana' ti ra intok ra maluag.

MAZMUR 104:3

am manambaloi Kou ra intok masawat poyo kaga' intor ra limbowon. Tumampak Kou ra gaun am pansiabon Kou ru angin.

MAZMUR 33:7

Tinimung No timug ru raat ra rondo' intok; inompong No tatanga' ru raat no ralalom rondo' bokok.

MAZMUR 95:5

Kuasaan No raat ondo' binangun Nano, am niayuk lantur ra binangun Nano.

MAMPATANOU 1:7

Ngaangai' sungoi tumuun ra raat, kaa' kalo niayuk mototop. Sumaguli' timug no giu' ra ralayo ru sungoi, am tumuun poyo saguli'.

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

2 PITRUS 3:5

Ilo ti sumingon mangimpai ra minimpuun ra bala' ri Aki Kapuuno' noyo limbowon am tana' ti nasauk ra galing i. Sinauk No tana' ti intor ra timug am nagayantanga' poyo ra timug;

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.