KASAUKAN 1:27 - Tanou Moonsoi Timugon

²⁷ Ginio noyo i Aki Kapuuno' nambaal ra ulun am napasauk risilo koson ra baal Nano galama', sinauk No ilo ungkuyon am ruandu'.

KASAUKAN 1:27 ပူးပေါင်းရင်းမြစ်များ

KASAUKAN 2:18

Indagu boo Tuhan i Aki Kapuuno', “Kalo niayuk moonsoi ulun maayag misangulun. Mambaal Aku sangulun rangan ondo' maaya' toojo koson mangindangan riso.”

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 9:6

Ulun sinauk nogondo' ra baal Kuno; ginio ra osoi ayuk mamatoi ra ulun, io galama' niayuk potoyon ru ulun.

MAZMUR 139:14

Mongompor aku Rirun sabap ra moonsoi am makaimuag toojo namangunan Muno raki'. Nansalinut binaal Muno makaimuag kaga'. Natutunan ku noyo toojo.

MAMPATANOU 7:29

Gitio ayuk ondo' inigilaan kuno: I Aki Kapuuno' mangaru' ritakau masauk ra mabanis guang, kaa' itakau galama' ti ondo' manumbalik ra ragu.

JISAYA 43:7

Ilo noyo ulun Kuno, binangun Ku ilo koson mampatulai Raki'.”

JIRIMIA 29:6

Paguguot no maa' raginio makaanak kau, am polosoon min anak min niayuk maguguot maa' raginio ilo pana makaanak. Suang min musiti' rumuang am kalo maawai.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

MATIUS 19:4

Taam i Jisus, “Kalo kia nakabasa' kau ra Buuk Kitab ra Io ondo' nambaal ra ngaangai' ulun ti, intor poyo ra talimpuun ru tana' ti, nampasauk risilo ra ungkuyon am ruandu'?

MARKUS 10:6

Kaa' paat ra talimpuun i, paat i Aki Kapuuno' namingkal ra tana' ti, kon ru Kitab, ‘I Aki Kapuuno' nambaal risilo ungkuyon am ruandu'.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 4:24

Sauk kano ra ulun nakabagu ondo' saukon mansalu ri Aki Kapuuno', ioginio kaayagan motopot, ondo' mabanis ra pagilangan ri Aki Kapuuno'.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

KOLOSI 1:26

Kukula' noyo buoi tanou ti nakasibuni ra ngaangai' ulun, kaa' bagu raino ti pinabala' ra ulun ondo' mangintopot Riso.

KOLOSI 3:10

Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

TINGGANAI RU BANSA' 21:22

Amon ama' kapoam pabukat ungkuyon nilo matong am mansang, paraguon min, ‘Iowo' akai no manangandu' ra ralaa mino, sabap kalo tinalingaau mai ilo ralalom ru pangayawan. Mulu' poyo ra kalo pinataak min ilo ramon. Ginio ra kolondo' sala min sabap kalo liminungkang kau ra ibot.’ ”