KASAUKAN 1:22 - Tanou Moonsoi Timugon

²² Barakati' ri Aki Kapuuno' ngaangai' ti am manusub ra ondo' maayag ralalom ru timug mansayat am raat ti pana mototop am susuit sumuang-suang.

KASAUKAN 1:22 ပူးပေါင်းရင်းမြစ်များ

KASAUKAN 1:21

I Aki Kapuuno' napasauk ra bibiag ondo' mangaayo am ngaangai' nansalinut maayag mayan ralalom ru timug am niayuk ngaangai' susuit. Maansayan kaga' i Aki Kapuuno' magilong ra baal raginio.

KASAUKAN 1:23

Kopongo molondom, masauk boo susuab. Ginio noyo orou ondo' kalimo.

KASAUKAN 1:28

Barakati' No ilo am indagu, “Paganak kano kasusuang maa' raginio papag mino mayan ra titikop intok ra tana' ti am manguasa'. Akau manguasa' ra ngaangai' papait, susuit am ngaangai' bibiag ondo' masigo.

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 8:17

Ibito' noyo mingkual ngaangai' susuit am bibiag maa' raginio ilo ti mansasayat am lumayak ra titikop ru tana' ti.”

KASAUKAN 9:1

Nambarakat i Aki Kapuuno' ri Nuu, anak-anak ungkuyon nano am indagu Io, “Paganak kano kasusuang maa' raginio mapapak boo ru papag mino tana' ti.

AYUP 40:15

Ilai' toojo i Bigimot, maayo ulun no, ondo' niayuk inangun Kuno, koson rirun. I Bigimot mongkotop ra sakot koson ra sapi',

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

MAZMUR 107:31

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

MAZMUR 128:3

Andu' muno masauk koson ra puun ru anggur ondo' malabung ra ralalom ru baloi muno, am ngaangai' anak muno koson ayuk ra abung ru jaitun ondo' nakaliput ra mija' muno.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

IMAMAT 26:9

Mambarakat Aku ramuyun am manaak ramuyun ra masuang anak. Suguton Ku nabantuan ondo' binaal Kuno ramuyun.