KASAUKAN 1:16 - Tanou Moonsoi Timugon

¹⁶ Ginio noyo i Aki Kapuuno' napasauk ra ruo sinda ondo' maayo iono mato ru orou koson manguasa' ra matawang am bulan koson manguasa' ra rondom; Io niayuk napasauk ra butitin.

KASAUKAN 1:16 ပူးပေါင်းရင်းမြစ်များ

AYUP 31:26

Kalo igondo' aku samba ra mato ru orou ondo' makasinda ra mapaang, kapoam sila' ondo' makasinda ra moonsoi.

AYUP 38:7

paat ra butitin-butitin ru susuab ti mababaya' marimbai, am ilo ondo' maayag giu' ra suruga' magilakup maansukan?

MAZMUR 148:3

Omporo' Iono, akau mato ru orou am bulan; omporo' Iono, akau ngaangai' butitin ondo' murarak!

MAZMUR 148:5

Moonsoi poyo ngaangai' no mongompor ra inggalan ru Tuhan; sabap ra ngaangai' no binangun intor ra nanusuban Nano.

MAZMUR 19:6

ondo' sumalula' ra susuab ti koson ra ungkuyon naguot ondo' miningkual ra baloi nano, am niayuk koson ra sangulun masisimbul ondo' makimagilou.

MAZMUR 74:16

Binangun Mu matawang am molondom; inaru' Mu intok ru mato ru orou am bulan;

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

ABAKUK 3:11

Paat ra panah Muno ondo' maribok manguliat, am tanggulan ondo' suminda ra manguliat, mato ru orou am sila' lumonggo' minsir.

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 27:45

Paat ra tanga' ru orou, buoi talu nganjam pagun no liminondom.

1 KORINTUS 15:41

Mato ru orou makakinoonsoi galama', bulan pana makakinoonsoi galama' am koson niayuk ra butitin makakinoonsoi galama'. Am kinoonsoi ru rorondo' butitin kalo niayuk nogogondo'.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.