KASAUKAN 1:14 - Tanou Moonsoi Timugon

^14-15 Indagu boo i Aki Kapuuno', “Moonsoi ru makasinda sumalula' intor ra limbowon koson mapatawang ra tana' ti, koson mapatuliar ra matawang intor ra molondom am niayuk koson mapakito ra nasuku' noyo talimpuunan paat ru orou, bilor am orou pangiantakan ru ugama.” Baal raginio pana nasauk.

KASAUKAN 1:14 ပူးပေါင်းရင်းမြစ်များ

KASAUKAN 1:13

Kopongo molondom, masauk boo susuab. Ginio noyo orou ondo' katalu.

KASAUKAN 8:22

Buoi ru tana' ti soroi, masalok makamantanom, makamangkumos, bulintok masimu', bulintok malasu', bulintok tampio, bulintok rumasam, matawang am molondom.”

KASAUKAN 9:13

Pasilaan Ku bulintung no ra gaun. Io masauk ra tatandu' ru bantu' Kuno ra tana' ti.

AYUP 25:3

Mauntob kia ru osoi pana malaikat ondo' mangandoi Riso? Mokoondo' kia ra intok ondo' kalo nasilau ru sinda Nano?

AYUP 25:5

Koson Riso, sila' pana kalo mapaang, am butitin-butitin karaan No ra moboot;

AYUP 3:9

Pai' polosoo' butitin ru susuab ti suminda; pai' polosoo' sinda ru tumawang sumirang.

MAZMUR 119:91

Ngaangai' ti lakat soroi raino, sabap ra panusuban Muno, sabap ra ngaangai' no ulipon Muno.

MAZMUR 148:3

Omporo' Iono, akau mato ru orou am bulan; omporo' Iono, akau ngaangai' butitin ondo' murarak!

MAZMUR 148:6

Ralalom ru panusuban Nano, inaru' No ngaangai' intokon ra sabuoi-buoi no, am ngaangai' no musiti' masalok gumagaya' ra nangaruan Nano.

MAZMUR 150:1

Omporo' noyo Tuhan! Omporo' noyo i Aki Kapuuno' ra Baloi Nano! Omporo' noyo kaikangan Nano giu' ra limbowon Nano!

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JIRIMIA 10:2

Indagu Io, “Pai' baya' ra kaindalaman ru bansa'-bansa' ra bokon; pai' ponontol magilong ra tatandu'-tatandu' ondo' makaimuag giu' ra limbowon, kabalu' pana malaa' bansa'-bansa' ra bokon.

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

JIRIMIA 33:20

“Nakimabantu' Aku ra matawang am rondom, maa' raginio matawang am rondom masalok matong ra maaru' paat no. Nabantuan no kalo maalap kasulang.

JIRIMIA 33:25

Kaa' Aku, Tuhan, mokoondo' ra nabantuan ra matawang am rondom, am nambaal Aku ra ukum ondo' manguasa' ra limbowon am tana' ti.

YEHEZKIEL 46:1

Indagu Tuhan Raja', “Kulobon garabang sirangon ondo' tumingkuang ra liliut ralalom musiti' angabin buoi onom ngoorou mangandoi. Kaa' paat ra orou Sabat am Pangiantakan Sila' Bagu, kulobon garabang no musiti' ukabin.

YEHEZKIEL 46:6

Paat ra Pangiantakan ra Sila' Bagu, musiti' io mampataak ra sanginan anak sapi' gawayan, onom ngainan anak domba, am sanginan domba gawayan. Ngaangai' no kalo najamaran.

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

JOIL 3:15

Mato ru orou am sila' lumondom, am butitin-butitin kalo boo suminda.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MARKUS 13:24

“Mopongo orou kaimbalaan raginio, mato ru orou lumondom am bulan kolondo' binusasal.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

PINAINTALANG 9:2

Ginio ra ukabo' ru butitin no intok no am buun ru lisun intor ra ralalom no koson ra lisun ru kataunan mosolob. Mato ru orou am limbowon no liminondom sabap ra suang ru lisun intor ra giu' i.